SALMOS 98 - Enhlit Bible

Visqui apyimtalhnamo

¹ Elminaycmas sat alhnancoc ningminaycmascama. Visqui ingac aptamjaycam simpilapquiscama. Apyimnatem apanco ayinyema apmopvan. Acyitsomalhca apectong acyimnatem.

² Aplingasquic alhta Visqui ingac aptemaclha apyimnatem (elvomsic tap). Apvitascasquic alhta Visqui ingac aptemaclha appeyvomo napatavo enlhitaoc.

³ Apyiplovcasquic alhta Visqui ingac aptemaclha apquilmasma Israel apquilmolhama. Invitalhquic alhta aptemaclha apyimnatem lhalhma anco as nalhpop.

⁴ Elitsovacsojo quellhip lhalhma anco, acyiplomo apquilminaycmascama. Colpayjiclha apquilvalhoc. Elitsovacsojo. Elminaycmas.

⁵ Elminaycmas acyiplomo apquilpayvascama arpa. Colhic sat ayaco Visqui ingac, acyiplomo apquilpayvascama (yatalhpong).

⁶ Elminaycmas sat acyiplomo apquilitsovascama napato Visqui Apyimtalhnamo. Elpayvas sat trompeta najan moc apquilpayvascama (nipquesic apquipetic).

⁷ Colngalhcac sat ayilhtingyovam yingmin acvanyam. Najan ayinyema asoc aleyvam nayingmin. Najan apyovoclhojo enlhitaoc apquileyvam as nalhpop.

⁸ Colngalhcac sat ningitsovascama ayinyema vatsam (acyitnamaclha yingmin). Colngalhcac sat ningitsovascama ayinyema mataymong alvinatem.

⁹ Evotac sat Visqui ingac. Elanic (apcanamaclha) sat apyovoclhojo enlhitaoc as nalhpop. Etnejic sat Visqui apyicpilquemo appeyvomo. Nipyesicsa enlhitaoc apquileyvam lhalhma anco as nalhpop.