SALMOS 93 - Enhlit Bible

Visqui ingac Dios

¹ Visqui ingac aptomja Dios. Visqui ingac aptomja apyimtalhnamo. Pilapcasquic ningvita actemaclha apyimtalhnamo najan actemaclha apmopvan. Malha apquilantalhnayclha alyinmom intomjac. Apquillanac nic nat as nalhpop mepqui acyovjeycam.

² Lhip Visqui ingac, mepqui acyovjeycam mataa lhip aptajanem. Apnec nic nat mataa lhip cotmongvoycamlha nelha.

³ Lhip Visqui ingac, avanjec mataa ayilhtingyovam yingmin vatsam. Avanjec mataa alyayajayam.

⁴ Acyivey anco apmopvan lhip Visqui ingac. Am colhnoc alyivey alyayajayam. Am colhnoc ayilhtingyovam yingmin acvanyam.

⁵ Visqui ingac, acyimnatem anco lhip apcanamaclha. Malha apquilnalhamomap aptomjac tingma apponquinomap, aclhamoclhojo acnim cotmongvoycamlha nelha.