SALMOS 87 - Enhlit Bible

Dios tingma pac

¹ Dios tingma pac (Sión) apyitna netin inquilhe acponquinomalhca.

² Avanjec apcasicjayo Visqui ingac tingma Sión. Am colhno apcasicjayo apyovoclhojo tingma Jacob apquilmolhama.

³ Dios tingma pac. Aplhenamap tingma aptamila apanco. Intomjac alhta amyaa:

⁴ —Elyicpilcoc coo moclhama apquilvisay co Egipto, co Babilonia, co Filistea, co Tiro, co Etiopía. Tingma aptiyaycamlha maa — alhta intomjac.

⁵ Eycaso apquilpayvam co Sión: Tingma aptiyaycamlha as enlhit najan poc mataa. Apvisqui apyimtalhnamo aptomja apquiltamilquiscama — alhta intomjac.

⁶ Aptalhosquic Visqui ingac vaycajac apanco apyovoclhojo apquilvisay enlhit: —Aptiyaycamlha as tingma (Sión) — alhta intomjac aptalhescama.

⁷ Apquiltomjac mataa naysicsa apquilminaycmascama fiesta apancaoc: —Coo tingma ajac apvisay Sión — apquiltomjac mataa.