SALMOS 8 - Enhlit Bible

Visqui ingac apyimtalhnamo

¹ Lhip Dios Visqui ingac. Actamila lhip apvisay lhalhma anco. Lhip aptomja apyimtalhnamo apanco, lhip apma netin.

² Apmopvan innac lhip ayinyema apquillingascama apvapataoc najan sicaa ayitcoc. Actomja ayinmelhaycam cotnaja ingmoc, actomja acnovquiscama cotnaja ingmoc.

³ Alanoc mataa netin, lhip nic nat apquillanay. Piltin najan apyova, lhip nic nat apquillanay.

⁴ Inlhenquic mataa evalhoc: —¿Jalhco ayinyema singilaneyo ningilvisay enlhit? ¿Jalhco ayinyema apquimlaycmo lhip enlhit apquitcoc? — intomjac evalhoc.

⁵ Inquitlhincasquic elinmalhingvoclha ángeles enlhit apquitcoc. Aptimescasquic lhip apyimtalhnamo najan mayayo.

⁶ Etnejic sat apvisqui acyovoclhojo asoc, lhip nic nat apquillanay.

⁷ Avisqui ac ninatoscama nipquesic najan vayqui. Avisqui ac asoc navjac aleyvam amyip.

⁸ Avisqui ac nata najan quilasma, najan aclhamoclhojo asoc aleyvam nayingmin — intomjac evalhoc.

⁹ Lhip Dios Visqui ingac. Actamila anco lhip apvisay lhalhma anco.