SALMOS 75 - Enhlit Bible

Singyicpilquemo Dios

¹ Gracias lhip Dios Visqui ingac. Gracias ningiltomjac nincoo. Ninlingasquic nincoo lhip aptamjaycam simpilapquiscama.

² Aptomjac nic nat Visqui ingac: —Otingyac sat lhama acnim. Olyicpilcojoc sat enlhitaoc naysicsa sictemaclha sicpeyvomo sicvisay Dios.

³ Coyovjam sat as nalhpop najan apyovoclhojo enlhitaoc. Coo eyca oyimnaticsojoc as nalhpop ayinyema sicmovan— nic nat aptomjac.

⁴ Actomjac coo silanya apquilyasquiyam najan apquilmapsomcaa: —Noelyimtalhnesacpojo apanco naysicsa ayajamalhco apquilvalhoc.

⁵ Noeltimesap apanco apquilyimnatem. Noellhamasap nasa quellhip — nic nat aptomjac.

⁶ Am conyemac mataa singilpasmom actiyapmaclha acnim. Am conyemac mataa actalhningvamlha acnim. Najan piyam yoclhilhma actamopeycaoc.

⁷ Dios apvamlha pac lhama singyicpilquemo: Colhic sat ayaco napocja enlhit, elvennacpoc sat poc.

⁸ Apmaycam Visqui ingac ingjaycoc aclaneyo ayingmenic. Acvisay uva ayingmenic ayincajay panatem acyimnatem. Ingyanic sat elyinamcoc apyovoclhojo apquilmapsomcaa as nalhpop. Elsavojoc sat apyinaycaoc. Coyamasalhcac sat mataa ingjaycoc (singajem).

⁹ Olngacsic sat mataa apvisay Visqui apancaoc Israel apquilmolhama. Otnejic sat siyayo naysicsa sicminaycmascama.

¹⁰ Enatovacsic sat apquilmapsomcaa naysicsa apquilyimtalhnesomacpo apanco. Eyimnaticsic sat apvita inlhojo enlhitaoc apquilpeyvomo.