SALMOS 61 - Enhlit Bible

Singmasma nac Dios

¹ Dios Visqui ingac. Ingyeylhojo siliclhangveycam. Ingyeylhojo silmalhnancama.

² Ayevam mataa lhip sicna mocjay anco as nalhpop. Mepqui sicyimnatem coo. Jelhnes sat netin mataymong acvinatem. Movanquejec ongvinamtic.

³ Lhip nac semasma coo. Malha tingma nitno selhnescama lhip napatavo selinmelhaycam (cotnaja ingmoc).

⁴ Altamjo inyicje olhic mataa lhip tingma pac apponquinomap. Jemyoc sat mataa lhip. Malha sicyilhanmeycam coning aplhimpancoc.

⁵ Apyasamcoc lhip actemaclha siclhanma mepqui sicyeycajascaoc. Apjalhnoc mataa lhip ningilmalhnaycam asoc. Ningiltomja ningilayo lhip.

⁶ Ingyane sat elhic mataa visqui presidente aclhamoclhojo años. Etnejic sat apcanamaclha aclhamoclhojo años.

⁷ Ipasim sat lhip visqui presidente acyiplomo apcasicjayo najan apcapeycam.

⁸ (Coo sicvisay visqui David.) Otnejic sat mataa siyayo lhip apvisay. Osavojoc sat mataa siclhanma mepqui sicyeycajascaoc, aclhamoclhojo acnim.