SALMOS 52 - Enhlit Bible

Aptemaclha enlhit apmapsom

¹ ¿So actomja yi apyimtalhnesomacpo apanco lhip aptomja apmapsom? Comasquejec sat mataa singasicjayo Dios.

² Somcoc mataa alquitamsama apvalhoc lhip elanac asoc acmasom. Asquejec mataa lhip appayvam. Malha sovo acmajamtic aptomja apyinimquiscama.

³ Aptanovquic lhip mataa actemaclha actamila. Apyispaquic mataa lhip acmasom. Aptanovquic lhip mataa actemaclha nasoc anco. Apyispaquic lhip acmovan amyaa.

⁴ Apyispaquic lhip mataa appayvam acmasom, yoyam etvacsic, acyiplomo aptemaclha apyinimquiscama.

⁵ Etvasacpoc sat lhip lha ayinyema Dios Visqui ingac. Emacpoc sat lhip. Etipsacpoc sat lhip tingma pac. Ematong sat lhip nipyesicsa apnaymacoc.

⁶ Elanojoc sat enlhit apquilpeyvomo acyiplomo ayay apquilvalhoc. Elasmacsic sat apquilvita. Eltimjic sat elanic as apmapsom:

⁷ —Quip elanojo aptemaclha apanco mepqui apmasma Dios — alhta aptomjac. Aclhanma mataa apvalhoc acyivey solyayem pac (apquilnatam). Apquilinlhanacmec mataa aptemaclha apanco apmapsom.

⁸ Coo eyca sicyitsomalhca olivo yamit ayimja tingma apponquinomap. Moyascacmoc coo mataa seyasicjayo Dios Visqui ingac.

⁹ Otnejic sat mataa gracias lhip Dios Visqui ingac setnesquiscama actamila. Otnejic sat siyayo lhip, apvisay aptamila apanco. Olngacsic sat nipyesicsa lhip apnaymacoc.