SALMOS 47 - Enhlit Bible

Dios Apyimtalhnamo

¹ Quellhip enlhitaoc lhalhma anco: —Elitsovacsojo. Elitsovacsojo acyiplomo apquilticpaycam apmeoc.

² Apyimtalhnamo apanco Dios Visqui ingac. Pac ongilavojo. Apvisqui apyimtalhnamo as nalhpop.

³ Apquilmacpec alhta enlhitaoc cotnaja nimpayvomó lhama. Singiltimesaycam mataa as enlhitaoc.

⁴ Singiltingyasquiscama yoclhilhma ningileyvomaclha. Ayinyema alhta singasicjayo ningilvisay Jacob aptovana niptamin.

⁵ Aptajavoc mocjam netin Dios Visqui ingac, elhniclha aptajanem apanco. Aptajemo naysicsa ningilpayvascama trompeta najan ningiltsovascama.

⁶ Elminaycmas mocjam. Eltime sat apquilayo Visqui ingac. Elminaycmas mocjam. Eltime sat apquilayo Visqui ingac.

⁷ Aptomja Visqui ingac as nalhpop. Eltime sat apquilayo naysicsa apquilminaycmascama.

⁸ Apvisqui nipyesicsa apyovoclhojo enlhitaoc as nalhpop. Apnaclhec mocjam netin aptajanem apanco.

⁹ Apquiltiyaningvaac apquilviscaa apquilinyema lhalhma anco. Apquilpalhavaac nipyesicsa enlhitaoc apquilvisay Abraham aptovana niptamin.

¹⁰ Dios Visqui ingac ayinyema apquilmopvan apquilviscaa as nalhpop. Apyimtalhnamo apanco Dios Visqui ingac.