SALMOS 4 - Enhlit Bible

Mepqui acyasquiyam ingvalhoc

¹ Dios Visqui ingac semasma coo. Ingyatingmojo siyevoycam lhip. (jeyatingmojo). Naysicsa ayay evalhoc, lhip aptomja aptamilquisquiyam evalhoc. Nojetanov nasa (jeyasicjojo) coo. Ingyeylhojo silmalhnancama.

² Quellhip apquilyimtalhnesomap apanco. Apquiltomja sevenéycam sicvisay sicyimtalhnamo. Quellhip apquilmopvancaa amyaa. Quellhip aptingyeycaoc asoc apaoc. ¡Elvatsaoc quellhip!

³ Quip elaylhojo quellhip. Aptomja apquilyacyescama Visqui ingac enlhit apquilyiplovquiscama. Apjalhnoc mataa Visqui ingac siyevoycam yoyam jemyoc (jepasmoc).

⁴ Elavojo quellhip acyiplomo apquilpilhyinamam. Elvatsaoc apquiltemaclha apquilsilhnanomap apanco. Colhenam apquilvalhoc alhtaa. Elvanma sat quellhip.

⁵ Noelyasquim nasa quellhip Visqui ingac. Noelmiyov nasa (elmesaoc sat) asoc macmescama Dios Visqui ingac.

⁶ Intomjac mataa apquilvalhoc enlhitaoc: ¿Soc sat jingillhicmocsic asoc altamila? (¿Jalhco sat conyemac?) Visqui ingac. Jingilanojo naysicsa actamilaycam apvalhoc lhip.

⁷ Lhip aptomja appayesayclha evalhoc coo. Am colhno acpayjayclha apquilvalhoc acma apquilnatam.

⁸ Pac otyinic mataa acyiplomo actamilaycam evalhoc. Lhip ayinyema actamilaycam evalhoc naysicsa sictiyascam.