SALMOS 3 - Enhlit Bible

Actemaclha ningilmalhnancama

¹ Visqui ingac. Aplhamoc enlhitaoc cotnaja ingmoc. Aplhamoc enlhitaoc selinmelhaycam coo.

² Apquiltomjac mataa selhanma coo: (apquilantipquiscama sicvisay) “Memyovejec mataa Dios Visqui ingac” — apquiltomjac mataa.

³ Lhip Visqui ingac. Aptomja semasma coo najan sicyilhanmeycam. Lhip aptomja seyayo. Aptomja appeyvescasquiclha sictemaclha.

⁴ Ayevam coo Visqui ingac sicyimnatesa sicpayvam, yoyam jepasmoc. Apjalhnoc mataa selmalhnancama. Apna netin inquilhe acponquinomalhca.

⁵ Acyitnaclhec mataa yoyam otyinic. Aclhaticjac mataa naysicsa setamilquiscama Visqui ingac.

⁶ Mongvacyejec mataa enlhit appintalhnama. Apquiltomja sevocjay yoyam jelmoc (jelajic).

⁷ ¡Jelanojo coo Visqui ingac! ¡Jemyov coo Dios Visqui ingac! Apyimsasquic mataa lhip (napata'a) cotnaja ingmoc. Apquilintasquic mataa lhip apmaoc apticponga cotnaja ingmoc.

⁸ Singmasma aptomja lhip Visqui ingac (singvomquiscama tap). Ningilvisay lhip apnaymacoc. Singmescama asoc altamila. (ningillhoy singvaticjapquiscama)