SALMOS 28 - Enhlit Bible

Actemaclha ningilmalhnancama

¹ Visqui ingac. Lhip nac semasma coo. Ingyeylhojo silmalhnancama. Am sat ancoc ingyajalhnoc lhip, comascoc sat sictiyascam coo.

² Ingyeylhojo siyevoycam sicpayvam acyimnatem yoyam jepasmoc. Ingyeylhojo silmalhnancama sicmiyasquiclha netin emeoc payjoc tingma apponquinomap.

³ Nojetvas nasa lhip naysicsa apquilnapma lhip apquilmapsomcaa. Nojetvas nasa lhip naysicsa apquilnapma lhip apquilyinimquiscama. Apquiltemaclha apancaoc ellhenic acmasis apquilpayvam. Acmasom anco apquilvalhoc as enlhitaoc.

⁴ Iyanmongsiclha sat lhip apquiltemaclha apquilsilhnanomap apanco. Iyanmongsiclha sat lhip apquiltemaclha acmasom. Iyanmongsiclha sat lhip apquiltemaclha apancaoc.

⁵ Am colhenalhcac nipyesicsa maa aptemaclha Dios Visqui ingac. Am colhenalhcac nipyesicsa maa aptamjaycam simpilapquiscama Dios. Enatovasacpoc sat ayinyema Visqui ingac. Comascoc sat apquiltemaclha apancaoc.

⁶ Mayayo lhip Visqui ingac. Apjalhnoc lhip silmalhnancama.

⁷ Visqui ingac aptomja semasma. Epasmec coo ayinyema moyasquiyam. Payjeclhec evalhoc coo. Otnejic mataa gracias lhip naysicsa sicminaycmascama.

⁸ Dios Visqui ingac aptomja apyimtalhnamo nipyesicsa ingnaymacoc. Dios aptomja apmasma najan aptamilquiscama visqui ingac.

⁹ Visqui ingac. Ilmiyov sat lhip ingnaymacoc. Jingilpasim sat mataa aclhamoclhojo acnim.