SALMOS 23 - Enhlit Bible

Setamilquiscama Visqui ingac

¹ Visqui ingac aptomja setamilquiscama. Mepqui lhama asoc ayaymomalhca coo.

² Elhnescaclhec malha aptoscama naysicsa actamilaclha paat. Eyantamaclhec mataa nicja yingmin apquilyinatamaclha apnatoscama.

³ Apyimnatasquic mataa evalhoc coo. Eyantamaclhec mataa coo yoyam oyiplovcasojo actemaclha acpeyvomo. Colhic sat ayaco apvisay apanco.,

⁴ Mongvacyejec sat otjanyac acyimtalhnama, malha naysicsa sicmilanem alvata alhtaa. Lhip aptomja siclhalhma coo. Intamilaclhec evalhoc sicvita yamit apquileyneycam apsoycam mataa lhip.

⁵ Emcasquic mataa sictom napatavo cotnaja ingmoc. Apcatsiscasquic mataa epatic asoc masis. Eyatimcasquic ingjaycoc aclaney'o yoyam oynic.

⁶ Olhcac sat mataa asoc altamila najan actemaclha seyimlayquiclho aclhamoclhojo acnim sictiyascam as nalhpop.