SALMOS 15 - Enhlit Bible

Actemaclha ningiltamilcasomalhco inganco

¹ Visqui ingac. ¿Soc enlhit etnejic sat maycaa lhip tingma pac? ¿Soc enlhit ellanac sat tingma pac netin inquilhe acponquinomalhca?

² Apvamlha aptomja aptamilcasomacpo apanco, actomja acpeyvomo aptemaclha. Actomja nasoc anco aclhanma mataa apvalhoc.

³ Mepqui acmovan amyaa appayvam. Mepqui aplovquiscama poc. Mepqui apquilpamesvoyam poc.

⁴ Aptomja mepalhqueycam apnaymacoc metnaja Dios apquitquic. Aptomja apcayo apnaymacoc Dios apquitquic. Mepqui apyeycajascaoc aplhanma naysicsa aplingaycamco mactovasquiscama asoc pac.

⁵ Aptomja mepqui acyanmongvoyam tap solyayem macmaycaoc. Aptomja melyajayquiclho apcanyomap epjescomoc apmapsom poc. Emyovacpoc sat cotmongvoycamlha nelha aptomja apyiplovquiscama as asoc.