SALMOS 142 - Enhlit Bible

Ningyilhanmeycam Visqui ingac

¹ Ayevam coo Visqui ajac sicyimnatesa sicpayvam. Ayevam coo Visqui ajac sicyimnatesa silmalhnancama.

² Altimnasquic coo actemaclha siclingaycamco acyimtalhnama. Najan actemaclha aclingaycamco evalhoc.

³ Inlingamcoc mataa evalhoc coo. Visqui ajac. Apyasamcoc lhip amay ajac (yavamlha oyiplaclha). Apquillanac alhta quiljanma, yoyam jelmoc.

⁴ Alanoc coo lhama nicja actamilaclha. Motay lhama enlhit, yoyam jepasingvota. Paj lhama enlhit, yoyam jemyoc coo. Paj mataa lhama, yoyam jepasmoc.

⁵ Avanjec sicyimatescama sicpayvam Visqui ajac. Actomjac siyanya lhip: —Lhip nac semasma coo (sicyilhanmeycam). Lhip nac setingyasquiscama asoc naysicsa sictiyascam.

⁶ Ingyeylhojo lhip sicpayvam alyimnatem. Mepqui acyimnatem evalhoc coo. Jevomquis tap napatavo selya'mascam. Apquilyimnatem apanco, am olhno coo.

⁷ Jevomquis tap sictomja sicmomalhca. Otnejic sat siyayo lhip. Jelyotac sat enaymacoc, yoyam elpayesiclha evalhoc coo. Apquilvita inlhojo setnesquiscama lhip actamila anco.