SALMOS 138 - Enhlit Bible

Gracias Visqui ingac

¹ Inlhenquic evalhoc lhip Visqui ingac. Otnejic gracias lhip. Omnaycmacsic sat siyayo lhip napatavo apquilviscaa (apquilyitsomacpo dioses).

² Olanojoc sat payjoc tingma apponquinomap, otnejic siyayo lhip. Otnejic sat gracias lhip ayinyema lhip aptemaclha seyasicjayo, nasoc anco. Acmamnave anco lhip appayvam najan lhip apvisay, am colhno moc asoc.

³ Apjalhnoc lhip silmalhnancama, siyevoycam alhta lhip. Eyimnatasquic alhta coo najan apyimnatescama evalhoc coo.

⁴ Gracias lhip eltimjic sat apyovoclhojo apquilviscaa as nalhpop. Apquillinga inlhojo lhip appayvam mepqui apyeycajascaoc.

⁵ Eltimjic sat apquilayo Visqui ingac naysicsa apquilminaycmascama. Gloria apyimtalhnamo apanco Visqui ingac.

⁶ Apnec maa netin Visqui ingac. Ingilano inyicje actemaclha ingvalhoc. Ingilyicpilcoc nincoo, acyitna inlhojo ayajamalhco ingvalhoc.

⁷ Aclingamcoc sat ancoc acyimtalhnama coo, jemyoc sat lhip. Jeyimnaticsojoc sat coo. Apmopvan innac lhip jevomsic tap napatavo cotnaja ingmoc.

⁸ Epenacsojoc sat Visqui ingac, yoyam omyovalhcac coo. Visqui ingac. Lhip aptomja singasicjayo cotmongvoycamlha nelha. Isavojo sat lhip aptamjaycam singiltimesquiscama.