SALMOS 130 - Enhlit Bible

Ningyilhanmeycam Visqui ingac

¹ Ayevam lhip Visqui ajac naysicsa siclingaycamco acyimtalhnama, malha sicvayveycaoc ayaptovnilha intomjac.

² Visqui ajac, ingyeylhojo sicpayvam. Ingyeylhojo sat actemaclha silpalhamaycam.

³ Visqui ingac, apquilyipsatquic sat ancoc lhip aclhamoclhojo actemaclha ningilsilhnanomalhca, mongmiyovalhquejec sat mataa nincoo.

⁴ Lhip aptomja apmascoscama mongilyascalhma. Ontimjic sat mataa ningilayo lhip.

⁵ Aljalhnec coo mataa Visqui ingac acyiplomo evalhoc. Sicyilhanmeycam actomjac appayvam.

⁶ Avanjec mataa siljalhneycam Visqui ingac. Am olhnoc enlhit apquiljalhneycam alhtaa, apquiltamjoc mataa incotsac'a.

⁷ Elalh sat Visqui ingac quellhip lha enlhitaoc Israel. Ellhojo sat enlhitaoc apquiljalhneycam alhtaa. Visqui ingac aptomja singasicjayo, aptomja singasicjayclha mataa.

⁸ Aptomja apmascoscama aclhamoclhojo melyascalhma enlhitaoc Israel.