SALMOS 13 - Enhlit Bible

Actemaclha aclingaycamco ingvalhoc

¹ Lhip Visqui ingac, ¿cotningvomeje ya nelha seyamasma lhip? ¿Cotningvomeje ya nelha mejelaneyo lhip?

² ¿Cotningvomeje ya nelha aclheneycam evalhoc? ¿Cotningvomeje ya nelha acyitnocjayo evalhoc? ¿Cotningvomeje ya nelha seyinmelhaycam cotnaja emoc?

³ Visqui, quip jelanojo, ingyeylhojo silmalhnancama. Ilyimnaticsojo ajataoc yoyam mongvitsepeje.

⁴ Copvanquejec sat etnejic cotnaja emoc: Sicyimnatem coo. Colapvanquejec elitsovacsojo selinmelhaycam naysicsa mepqui sicyimnatem.

⁵ Siyayo actomjac mataa lhip aptomja seyimlayquiclho. Inpayjeclhec mataa evalhoc, lhip aptomja sevomquiscama tap.

⁶ Imnaycmacsic sat siyayo Visqui ingac, Visqui aptomja setamilquiscama.