SALMOS 127 - Enhlit BibleAclhamoclhojo asoc ayinyema Visqui ingac 1 Am sat ancoc epasmac Visqui ingac, apquillanay tingma apponquinomap, alhtoc sat cotnejic apquillanay enlhit. Am sat ancoc etamilcasac tingma apvanyam Visqui ingac, alhtoc sat cotnejic apquiljalhneycam enlhit. 2 Am sat ancoc jingilpasmac Visqui ingac, alhtoc sat cotnejic ningilyampay nintamjaycam acyovoclhojo acnim. Najan nintingyey nintom naysicsa ninlingaycamco ningilyampay. Dios aptomja singasicjayo, singmescama nintom naysicsa nintiyanma. 3 Intiyacmec mataa inquitquic, actomja singilmescama Visqui ingac. 4 Malha yanca apquilmaycam enlhit apyimnatem apquiltomja inquitquic apquilinava. 5 Apquilinyejemoc anco enlhit apna aplhamoc apquitquic, malha yanca apancaoc aptomjac. Mepqui ningay sat ontimjic napato singyicpilquemo. Singilpasmom inquitquic naysicsa singilpejescay metnaja ningmolhama. |