SALMOS 126 - Enhlit Bible

Comascoc sat actemaclha ningvinama

¹ Ningvitac alhta apquilvactamo enlhitaoc apquilmomap co Sión. Malha acvitay ningvanmoncama alhta intomjac.

² Avanjec alhta acpayjayclha ingilvalhoc. Avanjec alhta ningitsovascama ningvita. Apquiltomjac alhta apquilanya lhalhma anco: —Pilapcasquic nincoo. Am ongvitayac actema nac lha — alhta apquiltomjac.

³ Naso, pilapcasquic nincoo ningvita aptamjaycam simpilapquiscama Visqui. Avanjec alhta acpayjayclha ingilvalhoc.

⁴ Ipayesiclha sat mocjam ingilvalhoc, malha acmamay naysicsa acyamay'oclhilhma sat cotnejic.

⁵ Ninginaclhec sat ancoc actic naysicsa ningvinama. Ongnaclhic sat acyilhna naysicsa acpayjayclha ingvalhoc.

⁶ Ningillhinquic nincoo, ninginaclhec actic naysicsa ningvinama. Ongilvotac sat mocjam naysicsa acpayjayclha ingilvalhoc. Ongitsantac sat cotlaycaoc acyilhna.