SALMOS 124 - Enhlit Bible

Singvomquiscama tap

¹ Am alhta ancoc jingmiyavac Visqui ingac — apquiltomjac mataa enlhitaoc Israel.

² Am alhta ancoc jingmiyavac Visqui ingac, naysicsa yoyam jingiltovacsic enlhitaoc.

³ Apquililtamjoc alhta jingilnapoc, malha yoyam jingilnasepoc ningyovoclhojo naysicsa apquillom.

⁴ Malha yingmin singilnapma alhta ontimjic nincoo. Malha ningmatnam singapma yingmin alhta ontimjic.

⁵ Malha yingmin ayinyem tecjinlhit ningyitnaclha alhta incotnejic.

⁶ Innec ayaco Visqui ingac aptomja singmasma naysicsa yoyam jintovacsic. Malha asoc navjac aclom yoyam jingiltaclhic.

⁷ Ingilinquitquic alhta quiljanma, malha nata ayinquitamalhca acyitnaclha quiljanma. Inyitipquic alhta tama quiljanma singmam. Ingilinquitalhquic alhta nincoo.

⁸ Ingilvomcasquic alhta tap Visqui ingac. Aptomja apquilantipquiscama nic nat netin najan nalhpop.