SALMOS 121 - Enhlit Bible

Aptemaclha singmasma

¹ Inlhenquic mataa evalhoc naysicsa silaneyo netin inquilhe: —¿Jalhco sat conyema yoyam jepasmoc? — intomjac mataa evalhoc.

² Visqui ingac sat etnejic sepasmom. Aptomja apquilantipquiscama nic nat netin najan nalhpop.

³ Jemyoc sat mataa Visqui ingac. Mepqui aptiyanma aptomja sintamilquiscama.

⁴ Naso, mepqui aptiyanma mataa Visqui ingac. Aptomja aptamilquiscama enlhitaoc Israel.

⁵ Visqui ingac aptomja singmasma nincoo, aptomja sintamilquiscama. Ningillhalhma aptomjac yoyam jingilpasmoc.

⁶ Mejingilyacsilhma acmajat acnim anco. Mejingilyacsilhma piltin alhtaa.

⁷ Jintamilsic sat Visqui ingac naysicsa nintajanyey acmasom. Aptomja aptamilquiscama ingilvalhoc.

⁸ Jintamilquis sat mataa naysicsa ninlhingam najan naysicsa ningilquilhyam. Jintamilquis sat cotmongvoycamlha nelha.