SALMOS 120 - Enhlit Bible

Nintajanyey asoc acmasom

¹ Almalhnaquic alhta Visqui ingac naysicsa siclingaycamco acyimtalhnama. Apjalhnoc alhta silmalhnancama.

² Visqui ingac, jepasim coo nipyesicsa apquilmopvancaa amyaa. Naysicsa apquilantipquiscama sicvisay yoyam jelsilhnana.

³ Apquilaycmascam nac lhip. Colhic sat acyanmongseclho lhip aptemaclha apyinimquiscama.

⁴ Malha yanca ajamtaoc ayinyema enlhit apyimnatem. Malha talha memong acmeta.

⁵ Coo layi sicma tingma Mesec, nipyesicsa metnaja enaymacoc. Sicma coning carpa tingma Cedar.

⁶ Acvoncaclhojo sicma nipyesicsa enlhitaoc seltanoncama coo.

⁷ Inyitnec coo actamilaycam evalhoc. Apquililtamjoc mataa jelnapacpoc, apquillinga inlhojo sicpayvam.