SALMOS 12 - Enhlit Bible

Singilpasmom Visqui ingac

¹ Jingmiyov nincoo Visqui ingac. Inmasquec ningvitay enlhit melyasquiyam. Mepqui mocjam apquilyiplovquiscama nipyesicsa enlhitaoc lhalhma anco.

² Apquilpamejitsacpec mataa apquilmopvan amyaa. Anit apvalhaoc ayinyema apquilpayvam apquilaycmascam.

³ Visqui ingac. Imascos apquiltemaclha apquilaycmascam najan apquiltemaclha apquillhamasomap.

⁴ Apquiltomjac mataa apquilpayvam: —Ingmeyjec nincoo ayinyema ningilyataycam. Ningilvamlha ningyimtalhnesomalhco inganco. Paj poc singinmelhaycam — apquiltomjac mataa.

⁵ Intomjac Visqui ingac appayvam: —Acpecjam opasingvoclha. Olmeyvoc sat apquillingaycamco najan acyajapo apquilvalhoc — intomjac appayvam.

⁶ Mepqui apyeycajascaoc mataa aplhanma Visqui ingac. Acyitsomalhca asoc alyinmom ayalhnasomalhca naysicsa talha (7 veces).

⁷ Lhip Visqui ingac aptomja singmasma mataa nipyesicsa apquilmapsomcaa.

⁸ Apquileyvec mataa lhalhma anco apquilmapsomcaa. Innec ayaco nipyesicsa apnaymacoc lhalhma anco.