SALMOS 114 - Enhlit Bible

Cotnaja ningaoclha

¹ Apquilyinyovquic nic nat yoclhilhma Egipto enlhitaoc Israel, Jacob apquilmolhama. Apquilyinyovquic nic nat cotnaja apquilpayvomó lhama.

² Judá apquilmolhama nic nat apquiltimesaycam Dios tingma pac apponquinomap. Apquileyvomaclha enlhitaoc Israel nic nat apcanamaclha Visqui ingac.

³ Inquinyec nic nat yingmin, apquilvitacpo inlhojo Israel apquilmolhama. Intajavoc nic nat yingmin Jordán.

⁴ Malha alnilhtingaycam ninatoscama nic nat intomjac inquilhe alvinatem.

⁵ ¿So actomja yi ayinyaja nic nat yingmin acvanyam? ¿So actomja yi actajavo nic nat yingmin Jordán?

⁶ ¿So actomja yi alnilhtingaclho nic nat malha ninatoscama inquilhe alvinatem?

⁷ Coyovjam sat as nalhpop napato Visqui ingac. Napato Visqui apancaoc Jacob apquilmolhama.

⁸ Mataymong alvinatem altomjayclho nic nat acyitnamaclha yingmin. Mataymong ayitcoc altomjayclho nic nat actiyapmaclha yingmin.