SALMOS 113 - Enhlit Bible

Mepqui ayajamalhco ingvalhoc

¹ Mepqui ayajamalhco ingvalhoc Quellhip apquiltimesaycam Visqui ingac. Eltime sat apquilayo apvisay apanco.

² Mayayo apvisay Visqui ingac quilhvo nac jay najan cotmongvoycamlha nelha.

³ Mayayo apvisay Visqui ingac actiyapmaclha acnim acvaycmo actalhningvamlha acnim.

⁴ Apyimtalhnamo apanco Visqui ingac nipyesicsa enlhitaoc. Gloria mayayo netin maa.

⁵ Mepqui poc apyitsomacpo Dios Visqui ingac, apmaclha netin maa.

⁶ Apquilanoc mataa esovjam asoc maa netin najan as nalhpop.

⁷ Aptomja aptamilquisquiyam melyimnatem, najan apcamliyam enlhit mepqui asoc.

⁸ Apnescaclhec mocjam aptamalviyam apnaclha ningayo, yoyam elhojoc lhama apnaymacoc.

⁹ Apmascosquic actomjaclha cotay ayitco quilvana. Cotniclhac sat mocjam nalava. Copayjiclhac sat avalhoc congne tingma ac. Innec ayaco Visqui ingac.