SALMOS 11 - Enhlit Bible

Ningyilhanmeycam Visqui ingac

¹ Sicyilhanmeycam coo visqui ingac. Apquiltomjac mataa seyanya coo: —Ingyinyi sat nalhma malha ayinyem nata — alhta apquiltomjac.

² Quip elanojo enlhit apquilmapsomcaa. Apquilmec pilhpaalh acyiplomo yanca yoyam elyojong. Apquilyilhacpoc elajic enlhit actamilaycam apquilvalhoc.

³ Aptovasquic singanamaclha enlhit apmapsom. ¿Jalhco sat etnejic enlhit appeyvomo?

⁴ Apnec Visqui ingac tingma apponquinomap. Yitnec aptajanem apanco netin. Apquilanoc mataa apquiltemaclha enlhitaoc lhalhma anco.,

⁵ Apyicpilcoc Visqui ingac apquilpeyvomo najan apquilmapsomcaa. Avanjec aptanoncama Visqui ingac apquiltemaclha apquilmapsomcaa.

⁶ Apcapajasquic acmamay Visqui ingac nipyesicsa apquilmapsomcaa. Malha talha intomjac najan azufre acpayesayclha talha najan acmajat alhcajayam. Visqui ingac eyanmongsiclhac sat apquiltemaclha apancaoc.

⁷ Appeyvomo visqui ingac. Apcasicjavoc mataa enlhitaoc apquilpeyvomo. Elvitangvomoc sat Visqui ingac. Elhnam sat napato enlhit apquilpeyvomo.