ISAÍAS 4 - Enhlit Bible

¹ Cotnejic sat as acnim, elvitacpoc apcanit enlhit apquilaymomap. Colinlhanmojoc sat siete quilvanaa colyipitcojoc sat lhama enlhit, coltimjic sat colanic: Ontingyac sat nintom inganco, ontingyac sat apava inganco, nomjov nasa lhip apvisay cotnejic sat nincoo lha ningilvisay, comascoc sat ningmancactama nincoo mepqui intava — sat coltimjic.

Covac sat acpayjayclha apquilvalhoc

² Incovac sat acnim, yoyam etingyasquisic mocjam cotlaycaoc acyilhna Visqui ingac. Elvitac sat mocjam ayimjaclha ninganma israelitas apquilaymomap, acyitsomalhca apquilnatanma enlhit najan mayayoclha. Colhojoc sat cotlaycaoc acyilhna apquilnatanma enlhit najan mayayoclha.

³ Elmiyovacpoc sat apyovoclhojo apquilaymomap tingma Sión, eltamjacpoc sat Dios apquilyacyescama (Dios apquitquic).

⁴ Ayinyema apyanmongsayclha Dios apquiltemaclha apancaoc co Jerusalén, colhic sat ayalhnasa tingma acyivey ema acyanquinomalhca, colhic sat acmascosa apquiltemaclha apancaoc acmasom apyovoclhojo tingma Sión (Jerusalén).

⁵ Apquillanac Visqui ingac asoc monquinatquiscama tacjaplhit tingma Sión (Jerusalén), tacjaplhit enlhitaoc apcanayclha maa: lhama yipjopay cotalhcac acnim anco, najan alhtaa cotalhcac sat talha alayvom najan etin. Colhic sat maa gloria mayayoclha Dios Visqui ingac.

⁶ Elmiyovacpoc sat maa enlhitaoc. Elhnam sat pisquisca acnim anco naysicsa acmajat. Elmiyovacpoc sat naysicsa acmamay yingmin acvanyam najan nipyesicsa yatepiyam.