ISAÍAS 20 - Enhlit BibleApquillhenamap co Egipto najan co Etiopía 1 Nalhit acnim intomjac. Apvisqui co Asiria alhta apvisay Sargón. Apcapajasquic alhta singilpilhtetemo apvisqui najan apquillhalhmaa, elimpocjac tingma Asdod. Apquilimpocjac alhta apquilmam apyovoclhojo tingma. 2 Aptiyasam alhta Isaías, Amoz apquitca. Aptomjac alhta Visqui ingac apcanya Isaías, elngacsic amyaa: Lhip Isaías, iyinyov sat apcalomap najan tiyayipeoc apanco — alhta aptomjac. Apquilyajaclhoc alhta Isaías, mepqui alhta apcalomap, mepqui tiyayipeoc. 3 Aptomjac alhta Visqui ingac aplingascama Isaías: Quip elanojo selancam coo Isaías, aptiyasam tres años mepqui apcalomap najan mepqui tiyayipeoc, actomja asoc monquinatquiscama, yavamlha cotnejic sat nipyesicsa co Egipto najan co Etiopía. 4 Elimpocjac sat co Asiria, elmacpoc sat co Egipto najan co Etiopía najan apquilvanyam, najan apquilyimnanic, najan mepqui tiyayipeoc, najan mepqui apava, yoyam elmancangvomoc co Egipto. 5 Elangvomoc sat najan elmancangvomoc enlhitaoc, apquiljalhanma elpasingvota co Etiopía najan co Egipto, naysicsa apquilyimtalhnesomacpo apanco — alhta aptomjac — nic nat aptomjac profeta. 6 Apquiltomja apquilpayvam apnaycam tingma Ashdod de Filistea: Ningiljalhne inyicje jingilpasingvota naysicsa singilimpocjay co Asiria. ¿Soc sat jingilvomsic tap? — alhta apquiltomja maa — nic nat aptomjac profeta. |