EZEQUIEL 15 - Enhlit Bible

Apquilyitsomacpo israelitas uva avjac

¹ Aptomjac alhta Visqui ingac seyanya coo:

² ¿Intasi ya uva avjac, am ya colhno moc yamit ayimja nalhma?

³ ¡Comalhquejec mataa uva yamit, mongvaquejec ongillana yamit ningyiplhalhama!

⁴ Actamila intomjac alhpongja uva avjac. Inmetquic sat ancoc navayc najan avjac, cotniclhac sat tajap, comalhquejec maa.

⁵ Comalhquejec mataa uva avjac alhnancoc, yoyam ongillana asoc. ¡Comalhquejec mataa acmeta najan tajap! — alhta aptomjac.

⁶ Eycaso sicpayvam sicvisay Visqui apancaoc: Nintingyac uva avjac ontimjic alhpongja ningvatnama talha. Olhnasojoc sat enlhitaoc co Jerusalén, olvitic sat talha, elmetic sat maa.

⁷ Otnejic sat cotnaja ingmoc as enlhitaoc. Elinyajamcoc sat siclho, elmetic sat moc talha. Otnejic sat cotnaja ingmoc quellhip, natamin jelyicpilcangvomoc sat coo, sicvisay Visqui apancaoc quellhip.

⁸ Cotniclhac sat yoclhilhma actamopeycaoc as apquileyvomaclha quellhip, ayinyema apquiltemaclha quellhip selyamasma coo. Naso coo sicpayvam, sicvisay Visqui apancaoc quellhip — alhta aptomjac.