1 CRÓNICAS 25 - Enhlit BibleApquilminaycmascama najan apquilpayvascama 1 Apquilyacyesquic nic nat apvisqui David najan apquillhalhmaa apnaymacoc apyapmayc apquilmolhama: Asaf, najan Hemán, najan Jedutún, ellhingsic ningminaycmascama najan apquilpayvascama: arpas, najan salterios, najan platillos. Yitnec apquilvisay moclhama apquilminaycmascama najan apquilpayvascama. 2 Asaf apquitquic: Jacur, José, Netanías, najan Asarela. Aplhinquiscama ilhnic nat Asaf, aptomja ilhnic nat apquilyap. Aptingyascasquic nic nat apquilminaycmascama, acno ilhnic nat apcanama apvisqui David. 3 Seis nic nat apquitquic Jedutún: Gedalias, Zeri, Jesaías, Semei, Hasabías najan Matatías. Aplhinquiscama apquilminaycmascama ilhnic nat apquilyap Jedutún, apcanama elpayvacsic arpa actemaclha gracias najan apquilayo Dios Visqui ingac. 4 Hemán nic nat apquitquic: Buquías, Matanías, Uziel, Sebuel, Jeremot, Hananías, Hanani, Eliata, Gedalti, Romanti-ezer, Josbecaza, Maloti, Hotir najan Mahaziot. 5 Eycaso apquilvisay Hemán apquitquic, profeta apvitayo ilhnic nat apnaclha apvisqui. Aplhenacpec nic nat apyimtalhnamo ayinyema Dios. Aplhoy nic nat catorce apquitquic apquilinava najan tres quilvanaa, actomja ilhnic nat Dios apmescama. 6 Aplhinquiscama ilhnic nat apquilyap apquilminaycmascama najan apquilpayvascama congne tingma apponquinomap: apquilmaycam platillos najan salterios najan cítaras. Apvisqui apquilasinancama ilhnic nat: Asaf, Jedutún najan Hemán. 7 Vocmec nic nat apquilpasmeyquiclha apquilminaycmascama doscientos ochenta y ocho apquilmolhama. 8 Apquilyacyesquic nic nat apquilmaycam sicas moclhama grupos, najan mayayo najan apsilhyavo, najan maestros najan apquiltamsoycaoc. 9-31 Apquilmaycam nic nat sicas moclhama grupos, ayenmo 1 hasta 24: José, Gedalías, Zacur, Izri, Netanías, Buquías, Jesarela, Jesahías, Matanías, Simei, Azareel, Hasabías, Subael, Matatías, Jeremot, Hananías, Josbecasa, Hanani, Maloti, Eliata, Hotir, Gidalti, Mahazieot, Romanti-ezer. Apyovoclhojo ilhnic nat, najan apquilyalhing, najan apquitquic: doce apquilmolhama. |