NUMBERS 7 - Edisana ñwed Abasi Ibom

Mme Mbɔŋ Israel Enɔ Enɔ Ndida Nnam Utom Efe Esop

¹ EDIKEM ke usen emi Moses ama okowuk ebiet-iduŋ oro ama, onyuŋ eyet enye aran, onyuŋ, anam enye asana, ye kpukpru ŋkpɔ unam-utom esie, ye itie-uwa, ye kpukpru ŋkpɔ unam utom esie, onyuŋ eyet mmɔ aran, onyuŋ anam mmɔ esana ama:

² ndien mbɔŋ Israel, mme etubom ufɔk mme ete mmɔ, emi edide mbɔŋ ke esien mmɔ, enyuŋ edide mme etubom mme mmɔ emi mmɔ ekebatde, eda enɔ edi:

³ eda enɔ mmɔ edi ke iso Jehovah, ukpat ŋkpɔ enyene awning itiokiet, ye enaŋ duopeba, mbɔŋ iba enɔ ukpatŋkpɔ kiet, ɔbɔŋ kiet ɔnɔ enaŋ kiet: ndien eda mmɔ edi ke iso ebiet-iduŋ.

⁴ Ndien Jehovah ɔdɔhɔ Moses, ete,

⁵ Bɔ mmɔ, man eda mmɔ enam utom efe esop; nyuŋ men mmɔ nɔ mme Levite, owo kiet kiet ke adaŋa utom mmɔ.

⁶ Ndien Moses ada mme ukpatŋkpɔ ye mme enaŋ oro ɔnɔ mme Levite.

⁷ Enye ada ukpatŋkpɔ iba ye enaŋ inaŋ ɔnɔ nditɔ Gershon, ke adaŋa utom mmɔ:

⁸ Onyuŋ ada ukpatŋkpɔ inaŋ ye enaŋ itiaita ɔnɔ nditɔ Merari ke adaŋa utom mmɔ, esin ke ubɔk Ithamar eyen Aaron oku.

⁹ Edi inɔŋɔ nditɔ Kohath: koro utom edisana ebiet enyenede mmɔ, mmɔ ebiom ke afara.

¹⁰ Ndien mbɔŋ oro enyuŋ enɔ ŋkpɔ udianare itie-uwa, ke usen emi eyetde enye aran, mbɔŋ oro enyuŋ eda enɔ mmɔ edi ke iso itie-uwa.

¹¹ Ndien Jehovah ɔdɔhɔ Moses, ete, Yak mmɔ enɔ enɔ mmɔ, kpukpru mbɔŋ kiet kiet ke usen mmɔ, ke udianare itie uwa.

¹² Ndien edi Nahshon eyen Amminadab, ke esien Judah, akada enɔ esie edi ke akpa usen:

¹³ ndien enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran ke eke inuak-udia ɔyɔhɔ ke mbiba:

¹⁴ cup kiet ke shekel gold duop, ɔyɔhɔ incense:

¹⁵ abak enaŋ kiet, ye okukim kiet, ye eyen erɔŋ isua kiet, ke edifɔp uwa:

¹⁶ Okpo ebot kiet ke uwa idiɔk ido:

¹⁷ ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Nahshon eyen Amminadab.

¹⁸ Ke udiana akpa usen Nethanel eyen Zuar, ɔbɔŋ Issachar, ada enɔ edi:

¹⁹ enye ada enɔ esie edi, bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom uyo emi abuahade ye aran ke eke inuak-udia ɔyɔhɔ ke mbiba:

²⁰ cup kiet, ke shekel gold duop, ɔyɔhɔ incense:

²¹ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

²² Okpo ebot kiet ke uwa idiɔk ido:

²³ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem, emi edi enɔ Nethanel eyen Zuar.

²⁴ Ke ɔyɔhɔ usen ita Eliab eyen Helon, ɔbɔŋ nditɔ Zebulun, ada enɔ edi:

²⁵ Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran, ke eke inuak udia, ɔyɔhɔ ke mbiba:

²⁶ Cup kiet ke shekel gold duop, ɔyɔhɔ incense:

²⁷ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

²⁸ Okpo ebot ke uwa idiɔk ido:

²⁹ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Eliab eyen Helon.

³⁰ Ke ɔyɔhɔ usen inaŋ, Elizur eyen Shedeur, ɔbɔŋ nditɔ Reuben ada enɔ edi:

³¹ eno esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba:

³² cup kiet ke shekel gold duop, ɔyɔhɔ incense:

³³ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

³⁴ okpo ebot kiet ke uwa idiɔk ido:

³⁵ ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Elizur eyen Shedeur.

³⁶ Ke ɔyɔhɔ usen ition, Shelumiel eyen Zurishaddai, ɔbɔŋ nditɔ Simeon, ada enɔ edi:

³⁷ enɔ esie bason silver kiet, udop esie edi shekel ikie ye edip ye duop, ye bowl silver kiet shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba:

³⁸ cup kiet ke shekel gold duop, ɔyɔhɔ incense:

³⁹ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁴⁰ okpo ebot kiet ke uwa idiɔk ido:

⁴¹ Ye abak enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Shelumiel eyen Zurishaddai.

⁴² Ke ɔyɔhɔ usen itiokiet, Eliasaph eyen Deuel, ɔbɔŋ nditɔ Gad, ada enɔ edi:

⁴³ Enɔ esie edi bason silver kiet, udop esie shekel ikie ye edip ye duop, ye bowl kiet shekel silver ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba:

⁴⁴ cup kiet ke shekel gold duop, ɔyɔhɔ incense:

⁴⁵ Ye abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁴⁶ okpo ebot kiet ke uwa idiɔk ido:

⁴⁷ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Eliasaph eyen Deuel.

⁴⁸ Ndien ke ɔyɔhɔ usen itiaba, Elishama eyen Ammihud, ɔbɔŋ nditɔ Ephraim, ada enɔ edi:

⁴⁹ Enɔ esie edi bason silver kiet, udop esie edi shekel ikie ye edip ye duop, ye bowl silver kiet shekel ata ye duop, asaŋa ke edisana shekel: eti ndom-uyo emi abuahade ye aran, ke eke inuak-udia, ɔyɔhɔ ke mbiba:

⁵⁰ cup kiet ke shekel gold duop, ɔyɔhɔ incense:

⁵¹ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁵² Okpo ebot kiet ke uwa idiɔk ido: ye enaŋ iba, ye okukim ition,

⁵³ ye okpo ebot ition, ye nditɔ erɔŋ isua kiet ition, ke uwa emem; emi edi enɔ Elisama eyen Ammihud.

⁵⁴ Ke ɔyɔhɔ usen itiaita, Camaliel eyen Pedahzur, ɔbɔŋ nditɔ Manasseh, ada enɔ edi:

⁵⁵ Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba:

⁵⁶ cup kiet ke shekel gold duop, ɔyɔhɔ incense

⁵⁷ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁵⁸ okpo ebot kiet ke uwa idiɔk ido:

⁵⁹ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Gamaliel eyen Pedahzur.

⁶⁰ Ke ɔyɔhɔ usen usukkiet Abidan eyen Gideoni, ɔbɔŋ nditɔ Benjamin, ada enɔ edi:

⁶¹ Enɔ esie edi bason silver kiet, udop esie edi shekel ikie ke edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba:

⁶² cup kiet ke shekel gold duop, ɔyɔhɔ incense: abak enaŋ kiet, ye okukim,

⁶³ ye eyen erɔŋ isua kiet, ke edifɔp uwa:

⁶⁴ Okpo ebot kiet ke uwa idiɔk ido:

⁶⁵ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Abidan eyen Gideoni.

⁶⁶ Ke ɔyɔhɔ usen duop; Ahiezer eyen Ammishaddai ɔbɔŋ nditɔ Dan, ada enɔ edi:

⁶⁷ Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran, ke eke inuak-udia, ɔyɔhɔ ke mbiba:

⁶⁸ cup kiet ke shekel gold duop, ɔyɔhɔ incense:

⁶⁹ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁷⁰ Okpo ebot kiet ke uwa idiɔk ido:

⁷¹ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Ahiezer eyen Ammishaddai.

⁷² Ke ɔyɔhɔ usen duopekiet, Pagiel eyen Ochran, ɔbɔŋ nditɔ Asher, ada enɔ edi:

⁷³ enɔ esie edi bason silver kiet, udop esie edi shekel ikie ye edip ye duop, ye bowl silver kiet shekel ata ye udop, asaŋa ye edisana shekel: eti ndom-uyo abuaha ye aran, ke eke inuak-udia, ɔyɔhɔ ke mbiba:

⁷⁴ cup kiet ke shekel gold duop, ɔyɔhɔ incense:

⁷⁵ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁷⁶ okpo ebot kiet ke uwa idiɔk ido:

⁷⁷ ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Pagiel eyen Ochran.

⁷⁸ Ke ɔyɔhɔ usen duopeba, Ahira eyen Enan, ɔbɔŋ nditɔ Naphtali, ada enɔ edi:

⁷⁹ enɔ esie edi bason silver kiet, udop esie edi shekel ikie ye edip ye udop, ye bowl silver kiet, shekel ata ye duop, asaŋa ye edisana shekel; eti ndom-uyo abuaha ye aran, ke eke inuak-udia, ɔyɔhɔ ke mbiba:

⁸⁰ cup kiet ke shekel gold duop, ɔyɔhɔ incense:

⁸¹ Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

⁸² okpo ebot kiet ke uwa idiɔk ido:

⁸³ Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Ahira eyen Enan.

⁸⁴ Mme mmɔ emi edi ŋkpɔ udianare itie-uwa emi etode mbɔŋ Israel ke ubɔk, ke usen emi eyetde enye aran: bason silver duopeba, ye bowl silver duopeba, ye cup o-gold duopeba:

⁸⁵ basin kiet edi shekel silver ikie ye edip ye duop, bowl kiet, ata ye duop: ofuri silver ŋkpɔ emi edi tɔsin shekel iba ye ikie inaŋ, asaŋa ye edisana shekel;

⁸⁶ cup gold duopeba, emi incense ɔyɔhɔde ke esit, kiet kiet edi shekel duop, asaŋa ye edisana shekel: ofuri gold mme cup emi edi shekel ikie ye edip.

⁸⁷ Kpukpru enaŋ edifɔp uwa edi abak enaŋ duopeba, okukim erɔŋ duopeba, nditɔ erɔŋ isua kiet duopeba, ye inuak-udia mmɔ; okpo ebot duopeba ŋko ke uwa idiɔk ido.

⁸⁸ Ndien kpukpru enaŋ ke eke uwa emem edi abak enaŋ edip ye inaŋ, okukim ata, okpo ebot ata, ye nditɔ erɔŋ isua kiet, ata. Emi edi ŋkpɔ udianare itie-uwa, ke ema eyet enye aran ema.

⁸⁹ Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.