ŊWED MME PSALM 99 - Edisana ñwed Abasi Ibom

Akpanikɔ Abasi Anamde ye Nditɔ Israel

¹ JEHOVAH edi edidem; mme idut enyek idem: enye odoro mme cherubim ke edem; isɔŋ enyek.

² Jehovah ke Zion omokpon; omonyuŋ okoŋ kpukpru mme idut,

³ Mmɔ eyetoro akwa enyiŋ ndik fo: enye edi edisana.

⁴ Ndien odudu edidem ama ikpe; afo omowuk se inende, afo ekpe edinen ikpe ke Jacob.

⁵ Mbufo ekpono Jehovah Abasi nnyin, enyuŋ etuak ibuot ke ɔtɔ udorukot esie: enye edi edisana.

⁶ Moses ye Aaron ke otu mme oku esie, ye Samuel ke otu mmɔ eke esemede ekot enyiŋ esie; mmɔ ekeseme ekot Jehovah, ndien enye eyere mmɔ.

⁷ Enye etie ke adaha obubit enyɔŋ ɔdɔhɔ ye mmɔ: mmɔ enim mbet esie ye mme ewuhɔ emi enye ɔkɔnɔde mmɔ.

⁸ O Jehovah Abasi nnyin, afo ekeyere mmɔ: afo ekedi Abasi emi adahadedo ɔnɔ mmɔ, edi osio usiene abaŋa idiɔk ido mmɔ.

⁹ Mbufo ekpono Jehovah Abasi nnyin, enyuŋ etuak ibuot ke edisana obot esie; koro Jehovah Abasi nnyin edide edisana.