ŊWED MME PSALM 64 - Edisana ñwed Abasi Ibom

Akam Ndibeŋ e Abasi Ukpeme Nsio ke Ubɔk Mme Ndedibe Asua

Eke etubom mbon ikwɔ. Psalm David.

¹ O ABASI mi, kop uyo mi ke ini ami nsemede: nim uwem mi, mbak asua.

² Afo eyedip mi abak odu mme idiɔk owo, abak akwa otu mme anam-idiɔk;

³ emi ebande edeme mmɔ nte ofut, enyuŋ eketde ikaŋ mmɔ, kpa ndot-ndot ikɔ:

⁴ man mmɔ etie ke ndibe ebiet etop owo mfɔn-mma: mmɔ eyebuat enye etiga, inyuŋ ifeheke ndik.

⁵ Mmɔ esɔŋɔ idiɔk ikɔ enɔ idem mmɔ; eneme ebaŋa eridip afia; mmɔ edɔhɔ, ete, “Anie owo edise mmimɔ?”

⁶ Esin ubɔk eyom ibak; emenam uduak emi mmɔ eduakde ema; ŋkpɔ esit owo ye ekikere esie enyuŋ etuŋɔ.

⁷ Edi Abasi amabuat ye idaŋ etiga mmɔ; unan enyene mmɔ.

⁸ Ndien emeduɔk mmɔ ke isɔŋ; edeme mmɔ omosim mmɔ; kpukpru owo eke ekutde mmɔ efeŋe.

⁹ Ndien kpukpru owo edikhe, enyuŋ ebuk utom Abasi: enyuŋ etim efiɔk se enye anamde.

¹⁰ Edinen owo eyedara Jehovah, onyuŋ ɔbuɔt idem ye enye: kpukpru mbon esit kiet eyenyuŋ ebure mbure.