ŊWED MME PSALM 29 - Edisana ñwed Abasi Ibom

Uyo Jehovah ke Ini Ɔkpɔsɔŋ Oyobio Uwem

Psalm David.

¹ EMEN enɔ Jehovah mbufo nditɔ ikpɔ owo enɔ Jehovah ubɔŋ ye odudu.

² Enɔ Jehovah ubɔŋ enyiŋ esie; etuak ibuot enɔ Jehovah ke uyai edisana ido.

³ Uyo Jehovah odu ke enyɔŋ mmɔŋ: Abasi ubɔŋ atuak enyɔŋ: Jehovah odoro ke akamba mmɔŋ.

⁴ Uyo Jehovah ɔmɔsɔŋ: uyo Jehovah enyene ubɔŋ.

⁵ Uyo Jehovah asiak mme cedar; Jehovah asiak kpa mme cedar Lebanon.

⁶ Enye onyuŋ anam mmɔ efrɔ nte eyen enaŋ; Lebanon ye Sirion nte eyen editim.

⁷ Uyo Jehovah asiak edemikaŋ.

⁸ Uyo Jehovah enyeŋe wilderness; Jehovah enyeŋe wilderness Kadesh.

⁹ Uyo Jehovah anam edop aman eyen, onyuŋ ayaŋade akai; ndien kpukpru owo ke temple esie edɔhɔ, ete, Ubɔŋ.

¹⁰ Jehovah eketie ke ini ukwɔ: Jehovah onyuŋ etie nte edidem ke nsinsi.

¹¹ Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.