ŊWED MME PSALM 139 - Edisana ñwed Abasi Ibom

Ata Ɔyɔhɔ Ifiɔk ye Ukpeme Abasi

Eke etubom mbon ikwɔ. Psalm David.

¹ O JEHOVAH, afo ɔmɔduŋɔ mi, omonyuŋ ɔfiɔk.

² Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

³ Afo otim ɔnyuŋɔ isaŋ mi ye ebiet eke nnade, onyuŋ ɔfiɔk kpukpru usuŋ mi.

⁴ Koro baba ikɔ kiet miduhe mi ke edeme; sese, Jehovah, afo ɔmɔfiɔk mmɔ kpukpru.

⁵ Afo amakan mi okuk ke iso ye ke edem; omonyuŋ ada ubɔk fo odori mi ke idem.

⁶ Ifiɔk emi edi utibe akan mi; enye omokoŋ, ŋkemeke ndisim enye.

⁷ Ami ŋkeme ndika mmɔŋ nkpɔŋ spirit fo? Ndifehe ŋka mmɔŋ mbɔhɔ iso fo?

⁸ Mma ndɔk ke enyɔŋ, afo odu do: mma mbri mbri mi ke obio ekpo, sese, afo odu do.

⁹ Nyemen mba usiere; nyeduŋ ke ufɔt mmɔŋ ibiba.

¹⁰ Do ŋko ke ubɔk fo ada mi usuŋ, nnasia fo omum mi akama.

¹¹ Ndien ndɔhɔ, nte, “Ŋkɔm ekim ofuk mi,” kpa okoneyo akabare edi uŋwana akan mi okuk.

¹² Kpasuk ekim inamke okim ɔnɔ fi; edi okoneyo ayama nte uwemeyo; ekim ebiet uŋwana.

¹³ Koro afo emenyene ekput mi: omofuk mi ke idibi eka mi.

¹⁴ Nyekɔm fi, koro nyenede ndyɔ ye ndik; se afo anamde edi utibe; ukpɔŋ mi onyuŋ ɔfiɔk enene.

¹⁵ Idem mi ikedibeke fi, ke ini ekenamde mi ke ndibe ebiet, enyuŋ ebanade mi ke idak isɔŋ.

¹⁶ Enyin fo ekekut mi ke mitimke inam mi ima; ndien ekewet mmɔ kpukpru esin ke ŋwed fo, mmɔ esiak mi usen, ke ini baba mmɔ kiet mikaiduhe kaŋa.

¹⁷ Ndien, O Abasi, mme ekikere fo esɔŋ mi urua didie!

¹⁸ Ibat mmɔ okpon didie! Nyebat mmɔ, edi mmɔ ewak ekan ntan: ndemere, ndien nsuk ndodu ye afo.

¹⁹ O Abasi, ŋkɔm afo eyewot oburobut owo! Mbufo, mbon afai, edaha mi ndien ke usuŋ;

²⁰ Kpa mme asua fo emi edɔhɔde idiɔk ebaŋa fi, enyuŋ etomode fi esin ke nsu.

²¹ O Jehovah, nte ndisuaha mmɔ eke esuade fi? Nte mmɔ eke enenide fi inyuŋ itekke mi esit?

²² Mmada ofuri usua nsua mmɔ: mmɔ etie nte mme asua mi.

²³ O Abasi, duŋɔre mi, nyuŋ fiɔk esit mi: domo mi, nyuŋ fiɔk ekikere mi:

²⁴ Nyuŋ se mme usuŋ ukwaŋ odu mi ke esit, nyuŋ da mi usuŋ nsinsi uwem.