ŊWED MME PSALM 138 - Edisana ñwed Abasi Ibom

Ndikɔm Abasi ke Mfɔn Esie

Eke David.

¹ NYEKƆM fi ke ofuri esit mi: nyekwɔ nnɔ fi ke iso mme abasi.

² Nyetuak ibuot nse edisana temple fo; nnyuŋ ŋkɔm enyiŋ fo mbaŋa ima fo ye akpanikɔ fo; koro afo omokpono ikɔ fo akan ofuri enyin fo.

³ Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

⁴ O Jehovah, kpukpru ndidem ererimbot eyekɔm fi, koro mmɔ edikopde ikɔ inua fo.

⁵ Mmɔ eyenyuŋ ekwɔ ke usuŋ Jehovah: koro ubɔŋ Jehovah omokpon.

⁶ Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.

⁷ Ke ini nsaŋade ke ufɔt nnanenyin, afo eyenim mi ke uwem: eyenyan ubɔk fo odori ke iyaresit mme asua mi; ubɔk nnasia fo eyenyuŋ anyaŋa mi.

⁸ Jehovah eyema ŋkpɔ ɔnɔ mi: O Jehovah, ima fo odu ke nsinsi: kukpɔŋ se ubɔk fo anamde.