ŊWED MME PSALM 126 - Edisana ñwed Abasi IbomIdɔk Idaresit Ikwɔ mmɔ eke edɔkde. 1 ADAŊEMI Jehovah afiakde etiene nditɔ Zion emi eketaŋde efep, nnyin iketie nte mmɔ eke edabade ndap. 2 Ke ini oro imam ɔyɔhɔ nyin ke inua, ikwɔ onyuŋ ɔyɔhɔ nnyin ke edeme: ndien mmɔ edɔhɔ ke otu mme idut, ete, Jehovah amanam ikpɔ ŋkpɔ ye mme mmɔ emi. 3 Jehovah amanam ikpɔ ŋkpɔ ye nnyin; esit ke adat nnyin. 4 Fiak edem, O Jehovah, tiene nnyin emi mmɔ etaŋde ekenyɔŋ, kpa nte mme idim mmɔŋ ke edem usuk. 5 Mmɔ eke etɔde ŋkpɔ ke mmɔŋeyet eyekpeŋe ke idara. Owo eke obiomde akpan mkpasip, aka atua eyet, 6 iditreke ndibiom mme ebek esie nnyɔŋ ke idara. |
Efik Old Bible With Sectional Headings © Bible Society of Nigeria, 2013, 2019.
Bible Society of Nigeria