ŊWED MME PSALM 111 - Edisana ñwed Abasi Ibom

Abasi Ekere Abaŋa Ikɔt Esie

¹ MBUFO etoro Jehovah! Ami nyekɔm Jehovah ke ofuri esit, ke otu mbon edinen ido, ye ke otu mbon esop.

² Ŋkpɔ emi Jehovah anamde emekpon, etim enyuŋɔ mmɔ ke ofuri ima esit mmɔ.

³ Utom esie edi ubom ye ubɔŋ: edinen ido esie onyuŋ ebigi ke nsinsi.

⁴ Enye anam owo eti mme utibe ŋkpɔ esiemɔ: Jehovah ɔfɔn ido, onyuŋ enyene esit mbɔm.

⁵ Enye ada udia ɔnɔ mmɔ eke ebakde enye: eyeti ediomi esie ke nsinsi.

⁶ Enye owut ikɔt esie odudu utom esie, onyuŋ ɔnɔ mmɔ udeme mme idut.

⁷ Akpanikɔ ye edinen ikpe edi se ubɔk esie anamde; kpukpru item esie emewuhɔ.

⁸ Mmɔ esɔŋ eda ke nsinsi, enyuŋ enam mmɔ ke akpanikɔ ye edinen ido.

⁹ Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

¹⁰ Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.