ŊWED JOB 11 - Edisana ñwed Abasi Ibom

Zophar Ɔdɔhɔ Job Ete: Anam Idiok Enyene Ndibɔ Ufen

¹ NDIEN Zophar Naamathite ɔbɔrɔ, ete.

² Nte idibɔrɔke uwak ikɔ? Nte ɔtɔri utɔri edikaŋ idem esie?

³ Nte ababara fo edinam iren owo ekubi inua? emi afo esuenede, ndien owo inamke fi enyene but.

⁴ Onyuŋ ɔdɔhɔ ete,

⁵ Se ntemede amasana, ami nnyuŋ ndi edisana ke iso fo. Edi Abasi akpakam ɔdɔhɔ ikɔ, onyuŋ atat inua esie abaŋa fi;

⁶ Onyuŋ owut fi ndibe ŋkpɔ ifiɔk, ete ke ata mbufiɔk enyene idem ediwak; ndien afo ɔkpɔfiɔk nte Abasi efrede ubak idiɔk ido fo ɔnɔ fi.

⁷ Nte afo emekeme ndiduŋɔ ata ifiɔk Abasi? Nte afo emekeme nditim ŋkut Ata Ɔkpɔsɔŋ mma?

⁸ Etie nte edikoŋ enyɔŋ! afo emekeme ndinam nso? Edituŋɔ akan obio ekpo, afo emekeme ndifiɔk nso?

⁹ Udomo esie anyanare akan isɔŋ, onyuŋ okpon ubom akan inyaŋ. Enye akpasaŋa ebe,

¹⁰ okponyuŋ ɔkɔbi, onyuŋ obon (mbon ikpe) anie ekpekeme ndikpan enye?

¹¹ koro enye ɔmɔfiɔk mme oburobut owo, onyuŋ okut mme idiɔk ido, ndien ikpaha nditim ŋkere.

¹² Edi anana-ibuot owo eyekabare enyene ibuot, ke ini eyen ass ikɔt edikabarede edi owo.

¹³ Edieke afo otimde ndinim esit fo, onyuŋ anyanarede ubɔk fo ɔnɔ enye;

¹⁴ Edieke ukwaŋ-ŋkpɔ odude fi ke ubɔk, men enye duɔk anyan usuŋ, kunyuŋ uyak idiɔk ido oduŋ ke tent fo.

¹⁵ Afo eyemenere ndien iso fo anana ntɔi, eyenyuŋ ɔsɔŋ, udunyuŋ ufeheke ndik.

¹⁶ Koro afo eyefre ukut fo, onyuŋ eti enye nte mmɔŋ eke ekebede aka;

¹⁷ Ndien uwem fo eyeyama akan ufɔt uwemeyo;

¹⁸ ekim eyetie nte usen-ubɔk. Afo eyenyuŋ ofure, koro idorenyin odude, onyuŋ otim ese, ndien ana ke ifure.

¹⁹ Ndien afo eyesuhɔre ana, ndien baba owo kiet eke esinde fi ndik ididuhe; ndien ediwak owo eyekpe fi ubɔk.

²⁰ Edi enyin mme idiɔk owo eyeyemere, ubɔhɔ eyetaha ɔnɔ mmɔ, ndien idorenyin mmɔ etie nte eriduɔk uwem.