MME ŊKE 17 - Edisana ñwed Abasi Ibom

Mme Ŋke Abaŋade Uwem ye Edu Uwem

¹ NSAT ŋkeŋe ke ifure ɔfɔfɔn akan ɔyɔhɔ ufɔk unam uwa utɔk.

² Enyene-ibuot ofin eyekara eyen eke ɔkɔde but, eyenyuŋ adia udeme ke otu nditɔ-ete.

³ Eso-utara edi eke silver, furnace onyuŋ edi eke gold: edi Jehovah odomo esit owo.

⁴ Anam idiɔk akpaŋ utɔŋ ɔnɔ inua ibak, osu-osu okop ɔnɔ edeme nsobo.

⁵ Owo eke asakde ubuene esue Andibot enye: owo eke adarade ke nnama idibɔhɔke ufen.

⁶ Nditɔ nditɔ edi anyanya ŋkani iren; ndien mbana nditɔ edi mme ete mmɔ.

⁷ Inua ubɔŋ idotke ndisime owo: ŋwaŋwa ediso mkpɔk-inua nsu idotke ɔbɔŋ.

⁸ Enɔ etie nte ediye itiat ke enyin owo eke enyenede enye: akabare nte akakabare, enye okut unen.

⁹ Owo eke ofukde ndudue oyom ima: edi owo eke ɔtɔŋɔde ntak emen ikɔ obuk, adianare mme ufan.

¹⁰ Nduari oduk asian ke idem, akan ubɔk ikpa ikie eke emiŋade owo ndisime.

¹¹ Idiɔk owo oyom eneni ikpɔŋ: edi eyedɔŋ isuŋtom afai etiene enye.

¹² Ɔfɔn bear eke ewotde nditɔ esie, osobo ye owo, akan ndisime owo ke ebiɔ esie.

¹³ Owo ama anam idiɔk ke usiene eti, idiɔk-ŋkpɔ ididahake ke ufɔk esie.

¹⁴ Eritibi eŋwan ebiet eridut mmɔŋ: ke utɔk mika-ibumekede ndien dahado.

¹⁵ Eke akaŋde mme idiɔk owo, ye eke anamde ikɔ otip eti owo, Jehovah abat mbiba ke mbubiam.

¹⁶ Anam didie, ndien, ekɔm-urua odu ke ubɔk ndisime owo, eke enye edikutde ifiɔk,

¹⁷ ndien enye anana ibuot? Ufan amama ufan kpukpru ini, edi eyen-eka amana ɔnɔ ini nnan-enyin.

¹⁸ Anana-ibuot amia ubɔk, etie ubiɔŋ ke iso ufan esie.

¹⁹ Ama idiɔk-ŋkpɔ ama utɔk: anam enyin-usuŋ esie okoŋ oyom nsobo.

²⁰ Owo ukwaŋ esit idikwe mfɔn: ndien owo abak-inua eyeduɔ ke idiɔk-ŋkpɔ.

²¹ Owo ama obon ndisime eyen, oro akabare edi mfuhɔ ye enye: ndien ete ndisime owo idikwe inemesit.

²² Idaresit ɔfɔn owo ke idem: edi esit mfuhɔ aŋwan owo ɔkpɔ.

²³ Idiɔk owo osio enɔ ke ikpanesit, man oyut usuŋ ikpe.

²⁴ Mbufiɔk ana asian ke iso; edi enyin ndisime owo edu ke utit ererimbot.

²⁵ Ndisime eyen edi se iyatde ete esie esit, onyuŋ odoro ye andiman enye.

²⁶ Ifɔnke fɔn ŋko ndidia eti owo isop, ndinɔ mbɔŋ ufen mbaŋa se inende-

²⁷ Owo eke afarade ke ikɔ esie ɔfiɔk ifiɔk: ndien owo suŋ-suŋ esit edi asian.

²⁸ Ebat idem ndisime owo eke odopde inua, ke owo mbufiɔk: owo eke okubide mkpɔk-inua esie edi asian.