MME ŊKE 16 - Edisana ñwed Abasi Ibom

Mme Ŋke Abaŋade Uwem ye Edu Uwem

¹ UDUAK esit edi eke owo: edi ibɔrɔ edeme oto Jehovah.

² Kpukpru usuŋ owo esana ke enyin esie: edi Jehovah odomo spirit.

³ K utom fo nɔ Jehovah, ndien uduak fo eyesɔŋɔ ada.

⁴ Jehovah amanam kpukpru ŋkpɔ ɔnɔ se ikemde ye mmɔ: anam idem idiɔk owo ɔnɔ usen idiɔk.

⁵ Jehovah abat kpukpru okpon-esit ke mbubiam: ubɔk okposuk adadiana ye ubɔk enye idibɔhɔke.

⁶ Ima ye akpanikɔ esio isop idiɔk ido: uteŋe Jehovah onyuŋ esin owo akabare ɔkpɔŋ idiɔk.

⁷ Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

⁸ Ekpri ŋkpɔ ke ido eke enende, ɔfɔn akan akamba mbuŋwum ke ido eke mifɔnke.

⁹ Esit owo otibe usuŋ esie: edi Jehovah edinam ikpat isaŋ esie ɔsɔŋɔ.

¹⁰ Ikɔ Abasi odu ke mkpɔk-inua edidem: inua esie iduhe ke ikpe.

¹¹ Edinen balance ye udomo ŋkpɔ enyene Jehovah: kpukpru itiat udop ke ekpat edi utom esie.

¹² Ndidem ndinam idiɔk edi ŋkpɔ mbubiam: koro edi edinen ido ɔsɔŋɔ ebekpo.

¹³ Mkpɔk-inua akpanikɔ enem mbɔŋ esit: enyuŋ ema owo eke etiŋde se inende.

¹⁴ Ifiop esit ɔbɔŋ edi isuŋutom mkpa: edi enyene-ibuot owo eyesuk enye.

¹⁵ Uwem odu ke uŋwana iso ɔbɔŋ: ndien ufɔn esie nte obubit enyɔŋ ekperedem edim.

¹⁶ Ndinyene eti ibuot ɔfɔn adaŋ didie akan ata gold! Ndinyuŋ nnyene asian edi se owo ekpemekde akan silver.

¹⁷ Ɔkpɔ-usuŋ nti owo edi edikabare ŋkpɔŋ idiɔk: owo eke ekpemede idem otim ese usuŋ esie.

¹⁸ Iseri ebem nsobo iso: mkpon-esit onyuŋ ebem iduɔ iso.

¹⁹ Ɔfɔfɔn ndisuk esit ye mbon ukut, ŋkan ndideme mbume ye mbon iseri.

²⁰ Owo eke otimde ɔfiɔk ndinam ŋkpɔ eyekut ufɔn: ama edi owo eke ɔbuɔtde idem esie ye Jehovah,

²¹ ɔfɔfɔn ɔnɔ enye! Eyekot owo eti ibuot, ete, “Asian”: ndien udɔn inua ɔkɔrɔ ke se ekpepde.

²² Ɔniɔŋ edi idim uwem owo eke enyenede enye: edi item ndisime owo edi ebiɔ.

²³ Esit owo eti ibuot anam inua esie edi ɔniɔŋ: enye eyenyuŋ ɔbɔrɔ ke se mkpɔk-inua esie ekpepde.

²⁴ Inem ikɔ ebiet obukpa ɔkwɔk: ke eniŋe ukpɔŋ, onyuŋ ɔnɔ ɔkpɔ odudu.

²⁵ Enyene usuŋ eke enende ke iso owo, edi utit esie edi usuŋ mkpa.

²⁶ Udɔŋ anam-utom anam ɔnɔ enye: koro edi inua esie esin enye.

²⁷ Owo Belial otibe idiɔk: ndien se itiede ikaŋ-ikaŋ odu enye ke mkpɔk-inua.

²⁸ Owo ibak edemere eŋwan: ndien owo ŋkeŋ-inua adianare mme ufan.

²⁹ Owo afai atap mbɔhɔiduŋ esie, onyuŋ esin enye asaŋa ke usuŋ eke mifɔnke.

³⁰ Owo oro ɔbɔp enyin esie man ekere ibak: ofip mkpɔk-inua esie, anam idiɔk ŋkpɔ ama.

³¹ Iwat edi anyanya ubɔŋ, ke usuŋ eti ido ke edikut enye.

³² Owo eke misɔpke iyaresit ɔfɔn akan owo uko: ndien owo eke akarade esit esiemɔ ɔfɔn akan owo eke adade obio.

³³ Emen afia esin ke ikpanesit; edi ɔwɔrɔ kpasuk nte Jehovah amade.