Biblia Todo Logo
Bìoball air-loidhne

- Sanasan -

IKWƆ SOLOMON 1 - Edisana ñwed Abasi Ibom


Ŋwan Ndɔ ye Nditɔ Iban Jerusalem

1 ATA akpan ikwɔ emi enyene Solomon.

2 Yak enye ada ntim-inua esie otim mi inua: koro ima fo ɔfɔnde akan wine.

3 Eti aran fo enem utebe; enyiŋ fo edi aran eke eŋwaŋade; mmɔdo nditɔ-iban emade fi.

4 Dudi mi, yak nnyin ibine fi. Edidem ama ada mi oduk ke ubet esie: nnyin iyenem esit, inyuŋ idara fi, iyetoro ima fo ikan wine: mmɔ ema fi nte enende.

5 O nditɔ-iban Jerusalem, ami mmebire, edi mmeye, nte mme tent Kedar, nte ɔfɔŋ tent Solomon.

6 Mbufo ekuse mi ke ndek, koro mbirede, koro eyo ama ɔfɔp mi: nditɔ-eka mi ekeyat esit ye ami: mmɔ ekenim mi ete ŋkpeme iŋwaŋ-vine (mmɔ): ŋkekpemeke iŋwaŋ-vine okimmɔ.

7 Afo emi esit mi amade, wut mi ebiet eke afo edibɔkde ufene fo, eke afo edinamde mmɔ esuhɔre ena ke ufɔt uwemeyo: koro ndinam didie ntie nte owo eke asaŋade nyoŋ ke ɔtɔ ufene mme nsaŋa fo?

8 Edieke afo mufiɔkke ke idem fo, afo emi eyede akan kpukpru iban, wɔrɔ ke idem fo saŋa ke mme ikpat ufene, nyuŋ bɔk nditɔ ebot fo, kpere ebiet iduŋ mme ɔbɔk-ufene.

9 Mmodomo fi ye uman-horse mi ke chariot Pharaoh, O ŋwan ima mi;

10 mfuk fo emeye ke uyɔ pearl, itɔŋ fo omonyuŋ eye ke ŋkpɔkɔbi gold.

11 Nnyin iyenam uyɔ gold ye ŋkɔp silver inɔ fi.

12 Adaŋa ini nte edidem odude ke itie (udia) esie, nard mi ɔnɔ ufuɔŋ esie.

13 Mmese ama mi ke ekpat myrrh; eyebigi mi ke ufɔt eba.

14 Mmese ama mi ke etuek flower cypress ke iŋwaŋ-vine En-gedi.

15 Sese, O ŋwan ima mi, afo emeye: sese, afo emeye; enyin fo edi ibiom.

16 Sese, O ama mi, afo emeye; omonyuŋ enen ŋko: bed nnyin omonyuŋ edi awawa;

17 obukpɔk ufɔk nnyin edi cedar, ɔkɔm nnyin onyuŋ edi cypress.

Efik Old Bible With Sectional Headings © Bible Society of Nigeria, 2013, 2019.

Bible Society of Nigeria
Lean sinn:



Sanasan