ESTHER 7 - Edisana ñwed Abasi Ibom

Eyiri Haman ke Eto Ewot

¹ EKEM edidem ye Haman edi ndiŋwɔŋ ye Esther ɔbɔŋ-aŋwan.

² Ndien ke udiana-akpa usen ŋko, edidem ɔdɔhɔ Esther, ke itie uŋwɔŋ wine, ete, Nsidi ebeŋe fo, O Esther, ɔbɔŋ-aŋwan, ndien eyenɔ fi? Nsinyuŋ idi mkpe-ubɔk fo; ndien eyenam, ekpedi idem ofuri ubak edem kiet ubɔŋ?

³ Ndien Esther ɔbɔŋ-aŋwan ɔbɔrɔ, ete, Edieke mfɔnde fi ke enyin, O edidem, edidem ama onyuŋ ama, yak enɔ mi uwem mi ke ebeŋe mi, ye eke oruk mi ke mkpe-ubɔk mi?

⁴ Koro nnyin imenyama, ami ye oruk mi, ete esobo nnyin, enyuŋ ewot, enyuŋ ebiat; ndien ekpedi nte ekenyamde nnyin ke ifin iren, ye ke ifin iban, ŋkposioroke uyo: koro asua mikemeke ndinɔ edidem usiene nte ekemde ke se ibiarade.

⁵ Ndien edidem Ahasuerus emen uyo ɔdɔhɔ Esther, ɔbɔŋ-aŋwan, ete, Edi anie owo, owo onyuŋ odu mmɔŋ, emi okponde esit anam ntre?

⁶ Ndien Esther ɔdɔhɔ ete, owo udi ye asua edi idiɔk Haman emi. Ndien ndik anam Haman ke iso edidem ye ɔbɔŋ-aŋwan.

⁷ Ndien edidem akpaha esit adaha ke itie uŋwɔŋ wine aka ke iŋwaŋ-esa ufɔk edidem: edi Haman adaha ke enyuŋ ndibeŋe Esther ɔbɔŋ-aŋwan uwen esie: koro enye okutde ete ke edidem ɔmɔŋ aduak ndinam imɔ idiɔk-ŋkpɔ.

⁸ Ekem edidem oto ke iŋwaŋ-esa akwa ufɔk, afiak ke ɔtɔ uŋwɔŋ wine; ndien Haman ana ke mkpana emi Esther anade ke esit. Ndien edidem ɔdɔhɔ ete, Emie! enye onyuŋ oyom ndisabare ɔbɔŋ-aŋwan ke ŋkaŋ mi ke ufɔk mi? Ikɔ oro osuk ɔwɔwɔrɔ edidem ntem ke inua, ndien mmɔ efuk Haman iso.

⁹ Ndien Harbonah, eunuch kiet ɔdɔhɔ ke iso edidem, ete, Sese, eto ŋko emi Haman akanamde ɔnɔ Mordecai, emi ɔkɔdɔhɔde se ifɔnde abaŋa edidem, mmɔko ɔwuhɔ ke ufɔk Haman, okoŋ ibio-idomo-okuk aba ye duop. Ndien edidem ɔdɔhɔ, ete, Mbufo eyiri enye ke esit.

¹⁰ Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.