1 CHRONICLES 7 - Edisana ñwed Abasi Ibom

Nditɔ Issachar

¹ NDIEN nditɔ Issachar edi Tola, ye Puah, ye Jashub, ye shimron, inaŋ.

² Ndien nditɔ Tola; Uzzi, ye Rephaiah, ye Jeriel, ye Jahmai, ye Ibsam, ye Shemuel, mme etubom ufɔk mme ete mmɔ, kpa eke Tola, mbon uko ke emana mmɔ; ibat mmɔ edi tɔsin edip ye iba, ye ikie itiokiet, ke eyo David.

³ Ndien nditɔ Uzzi; Izrahiah; ndien nditɔ-iren Izrahiah; Michael, ye Obadiah, ye Joel, ye Isshiah, ition: kpukpru mmɔ edi akpan owo.

⁴ Ndien udim mbon-ekɔŋ tɔsin owo edip ye efurekiet edu ye mmɔ ke emana mmɔ, ke mme ufɔk ete mmɔ: koro mmɔ ekenyenede ediwak iban ye nditɔ-ɔwɔŋ.

⁵ Ndien nditɔ-ete mmɔ ke otu ofuri ubon Issachar edi mbon-uko, ebat mmɔ kpukpru ke emana mmɔ, tɔsin owo itie anaŋ ye itiaba.

⁶ Nditɔ Benjamin; Bela ye Becher, ye Jediael, ita.

⁷ Ndien nditɔ Bela; Ezbon, ye Uzzi, ye Uzziel, ye Jerimoth, ye Iri, ition; mme etubom ke ufɔk mme ete, mbon-uko; ndien ebat mmɔ ke emana mmɔ tɔsin owo edip ye iba, ye edip ye duopenaŋ.

⁸ Nditɔ Becher ŋko; Zemirah, ye Joash, ye Eliezer, ye Elioenai, ye Omri, ye Jeremoth, ye Abijah, ye Anathoth, ye Alemeth.

⁹ Kpukpru mme mmɔ emi edi nditɔ Becher. Ndien ebat mmɔ esin ke ŋwed emana, mme etubom ke ufɔk mme ete mmɔ, mbon-uko, tɔsin edip ye ikie iba.

¹⁰ Nditɔ Jediael ŋko; Bilhan: ye nditɔ Bilhan; Jeush, ye Benjamin, ye Ehud, ye Chenaanah, ye Zethan, ye Tarshish, ye Ahishahar.

¹¹ Kpukpru mmɔ emi edi nditɔ Jediael, nte mme etubom mme ete mmɔ etiede, mbon-uko, tɔsin owo efureba, ye ikie iba eke ewɔŋɔde eka ekɔŋ ndiŋwana.

¹² Shuppim ŋko, ye Huppim, nditɔ Ir, ye Hushim, nditɔ Aher.

¹³ Nditɔ Naphtali; Jahziel, ye Guni, ye Jezer, ye Shallum, nditɔ Bilhah.

¹⁴ Nditɔ Manasseh; Ashriel emi ŋwan esie amande: (ŋwan-esa esie, kpa ŋwan a Aramite aman Machir ete Gilead;

¹⁵ ndien Machir ɔdɔ eyen ete Huppim ye Shuppim aŋwan, ndien eyen ete esie aŋwan ekere Maacah;) ndien udɔ ekere Zelophehad.

¹⁶ Zelophehad onyuŋ obon nditɔ-iban. Ekem Maacah ŋwan Machir aman eyen-eren, onyuŋ ada Peresh osio enye enyiŋ: enyiŋ eyen-eka esie eren onyuŋ ekere Sheresh; nditɔ-iren esie ŋko edi Ulam ye Rakem.

¹⁷ Ndien nditɔ Ulam; Bedan. Mme mmɔ emi edi nditɔ Gilead eyen Machir, eyen Manasseh.

¹⁸ Ndien Hammolecheth eyen-eka esie aŋwan aman Ishhod, ye Abiezer, ye Mahlah.

¹⁹ Ndien nditɔ-iren Shemida edi Ahian, ye Shechem, ye Likhi, ye Aniam.

²⁰ Ndien nditɔ Ephraim; Shuthelah, ye Bered eyen esie, ye Tahath eyen esie, ye Eleadah eyen esie, ye Tahath eyen esie,

²¹ ye Zabad eyen esie, ye Shuthelah eyen esie, ye Ezer, ye Elead. Ndien nditɔ Gath emi ekemanade ke edem oro, ewot mmɔ, koro mmɔ esuhɔrede eka ndida ufene mmɔ.

²² Ndien Ephraim ete mmɔ atua ediwak usen, nditɔ-ete esie enyuŋ eka ndidɔŋ enye esit.

²³ Ekem enye okot ŋwan esie, ndien enye oyomo, onyuŋ aman eyen-eren, ndien enye ada Beriah osio enye enyiŋ, koro enye ɔdiɔkde ye ufɔk esie.

²⁴ (Ndien eyen esie aŋwan edi Sheerah, emi ɔkɔbɔpde Beth-horon ke idak, ye Bethhoron ke enyɔŋ, ye Uzzen-sheerah.)

²⁵ Rephah onyuŋ edi eyen-eren esie, ye Resheph, ye Telah, eyen esie, ye Tahan eyen esie,

²⁶ Laadan eyen esie, ye Ammihud eyen esie, ye Elisham eyen esie,

²⁷ ye Nun eyen esie, ye Joshua eyen esie.

²⁸ Ndien isɔŋ emi mmɔ edade enyene, ye ebiet iduŋ mmɔ, edi Beth-el ye mme obio iŋwaŋ esie, ye Naaran ke edem usiaha-utin, ye Gezer ye mme obio-iŋwaŋ esie, ke edem usop-utin; ye Shechem ŋko ye mme obio-iŋwaŋ esie, tutu osim ke Gaza ye mme obio-iŋwaŋ esie,

²⁹ ye ke mben nditɔ Manasseh, Beth-shean ye mme obio-iŋwaŋ esie, ye Taanach ye mme obio-iŋwaŋ esie, ye Megiddo ye mme obio-iŋwaŋ esie, ye Dor ye mme obio-iŋwaŋ esie. Nditɔ Joseph eyen Israel eduŋ mme mmɔ emi.

³⁰ Nditɔ Asher: Imnah, ye Ishvah, ye Ishvi, ye Beriah, ye Serah, eyen-ete mmɔ aŋwan.

³¹ Nditɔ Beriah ŋko; Heber, ye Malchiel, emi edide ete Birzaith.

³² Ndien Heber obon Japhlet, ye Shomer, ye Hotham, ye Shua eyen-ete mmɔ aŋwan.

³³ Nditɔ Japhlet ŋko; Pasach, ye Bimhal, ye Ashvath; mme mmɔ emi edi nditɔ Japhlet.

³⁴ Nditɔ Shemer ŋko; Ahi, ye Rohgah, ye Jehubbah, ye Aram.

³⁵ Nditɔ Helem eyen-ete esie ŋko; Zophah, ye Imna, ye Shelesh, ye Amal.

³⁶ Nditɔ-iren Zophah; Suah, ye Harnepher, ye Shual, ye Beri, ye Imrah, ye Bezer,

³⁷ ye Hod, ye Shamma, ye Shilshah, ye Ithran, ye Beera.

³⁸ Ndien nditɔ-iren Jether; Jephunneh, ye Pispah, ye Ara.

³⁹ Nditɔ Ulla ŋko; Arah, ye Hanniel, ye Rizia.

⁴⁰ Kpukpru mme mmɔ emi edi nditɔ Asher, mme etubom ke ufɔk mme ete, ndimek owo, mbon-uko, ikpɔ owo ke otu mbɔŋ. Ndien ibat mmɔ emi ekewetde esin ke ŋwed emana mmɔ ke otu udim ekɔŋ, edi tɔsin owo edip ye itiokiet.