1 CHRONICLES 6 - Edisana ñwed Abasi Ibom

Mme Nditɔ-Iren Levi

¹ NDITƆ-IREN Levi; Gershon, ye Kohath, ye Merari. Ye nditɔ-iren Kohath; Amram,

² ye Izhar, ye Hebron, ye Uzziel. Ye nditɔ Amram; Aaron, ye Moses, ye Miriam.

³ Nditɔ Aaron ŋko; Nadab ye Abihu, Eleazar ye Ithamar.

⁴ Eleazar obon Phinehas, Phinehas obon Abishua,

⁵ Abishua onyuŋ obon Bukki, Bukki onyuŋ obon Uzzi,

⁶ ndien Uzzi obon Zerahiah, ndien Zerahiah obon Meraioth,

⁷ Meraioth onyuŋ obon Amariah, ndien Amariah obon Ahitub,

⁸ ndien Ahitub obon Zadok, ndien Zadok obon Ahimaaz,

⁹ ndien Ahimaaz obon Azariah, ndien Azariah obon Johanan,

¹⁰ ndien Johanan obon Azariah (edi enye akada oku ke ufɔk emi Solomon ɔkɔbɔpde ke Jerusalem;)

¹¹ ndien Azariah obon Amariah, ndien Amariah obon Ahitub, ndien Ahitub obon Zadok,

¹² Zadok onyuŋ obon Shallum,

¹³ ndien Shallum obon Hilkiah, Hilkiah onyuŋ obon Azariah,

¹⁴ Azariah onyuŋ obon Seraiah, Seraiah onyuŋ obon Jehozadak.

¹⁵ Ndien Jehozadak aka ke ntaŋ-mfep, ke ini Jehovah adade ubɔk Nebuchadnezzar ataŋ Judah ye Jerusalem efep.

¹⁶ Nditɔ Levi; Gershom, ye Kohath, ye Merari.

¹⁷ Mme mmɔ emi enyuŋ edi enyiŋ nditɔ Gershon; Libni ye Shimei.

¹⁸ Nditɔ Kohath ŋko edi Amram, ye Izhar, ye Hebron, ye Uzziel.

¹⁹ Nditɔ Merari; Mahli ye Mushi.

²⁰ Ndien mme mmɔ emi edi mme ubon mme Levite, nte mme ete mmɔ edide. Eke Gershom; Libni eyen esie, Jahath eyen esie, Zimmah eyen esie;

²¹ Joah eyen esie, Iddo eyen esie, Zerah eyen esie, Jeatherai eyen esie.

²² Nditɔ Kohath ŋko; Amminadab eyen esie, Korah eyen esie, Assir eyen esie; Elkanah eyen esie,

²³ ye Ebiasaph eyen esie, ye Assir eyen esie; Tahath eyen esie,

²⁴ ye Uriel eyen esie, ye Uzziah eyen esie, ye Shaul eyen esie.

²⁵ Ye nditɔ Elkanah ŋko; Amasai ye Ahimoth.

²⁶ Ye Elkanah: nditɔ Elkanah; Zophai eyen esie, ye Nahath eyen esie,

²⁷ Eliab eyen esie, Jeroham eyen esie, Elkanah eyen esie.

²⁸ Ndien nditɔ Samuel; akpan Vashni, ye Abijah.

²⁹ Nditɔ Merari; Mahli, Libni eyen esie, Shimei eyen esie, Uzzah eyen esie.

³⁰ Shimea eyen esie, Haggiah eyen esie, Asaiah eyen esie.

³¹ Ndien edi mme mmɔ emi ke David okonim ke utom ikwɔ ufɔk Jehovah, adaŋemi ekebe okutde nduɔk-odudu.

³² Ndien mmɔ enam ŋkpɔ ke iso ebiet iduŋ efe esop ke erikwɔ ikwɔ, tutu Solomon ɔbɔp ufɔk Jehovah ke Jerusalem: ndien mmɔ eda ke utom mmɔ ke ŋka mmɔ.

³³ Ndien edi mme mmɔ emi ekeda ye nditɔ mmɔ. Eke nditɔ Kohathite: Heman ɔkwɔ ikwɔ kiet, eyen Joel, eyen Samuel,

³⁴ eyen Elkanah, eyen Jeroham, eyen Eliel, eyen Toah,

³⁵ eyen Zuph, eyen Elkanah, eyen Mahath, eyen Amasai, eyen Elkanah,

³⁶ eyen Joel, eyen Azariah, eyen Zephaniah, eyen Tahath, eyen Assir,

³⁷ eyen Ebiasaph, eyen Korah,

³⁸ eyen Izhar, eyen Kohath, eyen Levi, eyen Israel.

³⁹ Ndien Asaph eyen eka esie, emi adade enye ke ubɔk nnasia, kpa Asaph eyen Berechiah, eyen Shimea,

⁴⁰ eyen Michael, eyen Baaseiah, eyen Malchijah, eyen Ethni, eyen Zerah,

⁴¹ eyen Adaiah, eyen Ethan,

⁴² eyen Zimmah, eyen Shimei,

⁴³ eyen Jahath, eyen Gershon, eyen Levi.

⁴⁴ Ndien nditɔ-ete mmɔ nditɔ Merari eda ke ubɔk ufien: Ethan eyen Kishi, eyen Abdi, eyen Malluch,

⁴⁵ eyen Hashabiah, eyen Amaziah, eyen Hilkiah, eyen Amzi, eyen Bani,

⁴⁶ eyen Shemer, eyen Mahli,

⁴⁷ eyen Mushi, eyen Merari, eyen Levi.

⁴⁸ Ndien ŋko mmɔ eda nditɔ-ete mmɔ mme Levite enim enɔ kpukpru utom ebiet-iduŋ ufɔk Abasi.

⁴⁹ Ndien Aaron ye nditɔ-iren esie efɔp uwa ke itie edifɔp uwa, ye ke itie ufɔp incense, ke ofuri utom ata edisana ebiet, ye ke erisio isop nnɔ Israel, kpa nte Moses owo Abasi eketemede kpukpru.

⁵⁰ Mme mmɔ emi ŋko edi nditɔ Aaron; Eleazar eyen esie, Phinehas eyen esie, Abishua eyen esie,

⁵¹ Bukki eyen esie, Uzzi eyen esie, Zerahiah eyen esie,

⁵² Meraioth eyen esie, Amariah eyen esie,

⁵³ Ahitub eyen esie, Zadok eyen esie, Ahimaaz eyen esie.

⁵⁴ Mme mmɔ emi ŋko edi ebiet iduŋ mmɔ ke mme obio iŋwaŋ mmɔ, ke adaŋa mmɔ, kpa eke nditɔ Aaron, ke ubon mme Kohathite: koro mmɔ enyenede udeme emi.

⁵⁵ Ndien enɔ mmɔ Hebron ke isɔŋ Judah, ye mben-isɔŋ esie akan enye okuk.

⁵⁶ Edi eda iŋwaŋ obio ye mme obio iŋwaŋ esie,

⁵⁷ enɔ Caleb eyen Jephunneh. Mmɔ enyuŋ eda Hebron enɔ nditɔ Aaron ke obio-ubɔhɔ, ye Libnah ye mben-isɔŋ esie, ye Jattir, ye Eshtemoa, ye mben-isɔŋ esie,

⁵⁸ ye Hilen ye mben-isɔŋ esie, ye Debir ye mben-isɔŋ esie,

⁵⁹ ye Ashan ye mben-isɔŋ esie, ye Beth-shemesh ye mben-isɔŋ esie;

⁶⁰ ye ke esien Benjamin; Geba ye mben-isɔŋ esie, ye Allemeth ye mben-isɔŋ esie, ye Anathoth ye mben-isɔŋ esie. Kpukpru mme obio mmɔ ke ofuri ubon mmɔ edi obio duopeta.

⁶¹ Ndien mmɔ eda afia esio obio duop ke ubon esien Manasseh, kpa ke ubak ibio esien oro, enɔ nditɔ Kohath emi esuhɔde.

⁶² Mmɔ enyuŋ esio obio duopeta ke esien Issachar, ye ke esien Asher, ye ke esien Naphtali, ye ke esien Manasseh ke Bashan, enɔ nditɔ Gershom ke ofuri ubon mmɔ.

⁶³ Enyuŋ eda afia esio obio duopeba ke esien Reuben, ye ke esien Gad, ye ke esien Zebulun, enɔ nditɔ Merari ke ofuri ubon mmɔ.

⁶⁴ Ntem ke nditɔ Israel eda obio ye mben-isɔŋ mmɔ enɔ mme Levite.

⁶⁵ Mmɔ enyuŋ esin afia esio mme obio emi ekerede enyiŋ mmɔ, ke esien nditɔ Judah, ye ke esien nditɔ Simeon, ye ke esien nditɔ Benjamin.

⁶⁶ Ndien ubon nditɔ Kohath emi esuhɔde eda mme obio adaŋa mmɔ ke esien Ephraim.

⁶⁷ Ntre ke mmɔ eda Shechem ye mben-isɔŋ esie ke obot Ephraim enɔ mmɔ ke obio ubɔhɔ, ye Gezer ye mben-isɔŋ esie;

⁶⁸ ye Jokmeam ye mben-isɔŋ esie, ye Beth Horon ye mben-isɔŋ esie;

⁶⁹ ye Aijalon ye mbenisɔŋ esie, ye Gath Rimmon ye mben-isɔŋ esie.

⁷⁰ Mmɔ enyuŋ esio Aner ye mben-isɔŋ esie, ye Bileam ye mben-isɔŋ esie, ke ibio esien Manasseh enɔ ubon nditɔ Kohath emi esuhɔde.

⁷¹ Mmɔ enyuŋ esio Golan ke Bashan ye mben-isɔŋ esie, ye Ashtaroth ye mben-isɔŋ esie, ke ibio esien Manasseh, enɔ nditɔ Gershom:

⁷² ye ke esien Issachar: Kedesh ye mben-isɔŋ esie, Daberath ye mben-isɔŋ esie;

⁷³ ye Ramoth ye mben-isɔŋ esie, ye Anem ye mben-isɔŋ esie;

⁷⁴ ye ke esien Asher; Mashal ye mben-isɔŋ esie, ye Abdon ye mben-isɔŋ esie,

⁷⁵ ye Hukok ye mben-isɔŋ esie, ye Rehob ye mben-isɔŋ esie:

⁷⁶ ndien ke esien Naphtali, Kedesh ke Galilee ye mben-isɔŋ esie, ye Hammon ye mben-isɔŋ esie, ye Kiriathaim ye mben-isɔŋ esie.

⁷⁷ Ndien mmɔ esio Rimmono ye mben-isɔŋ esie, ye Tabor ye mben-isɔŋ esie, ke esien Zebulun, enɔ nditɔ Merari eke esuhɔde:

⁷⁸ ndien ke edem Jordan Jericho oko, ke edem usiaha-utin Jordan, mmɔ esio Bezer ke wilderness, ye mben-isɔŋ esie, ye Jahzah ye mben-isɔŋ esie, ke esien Reuben, enɔ mmɔ,

⁷⁹ ye Kedemoth ye mben-isɔŋ esie, ye Mephaath ye mben-isɔŋ esie: ye ke esien Gad;

⁸⁰ Ramoth ke Gilead ye mben-isɔŋ esie, ye Mahanaim ye mben-isɔŋ esie;

⁸¹ ye Heshbon ye mben-isɔŋ esie, ye Jazer ye mben-isɔŋ esie.