1 CHRONICLES 4 - Edisana ñwed Abasi Ibom

Mme Nditɔ-Iren Judah

¹ NDITƆ-IREN Judah; Pherez, ye Hezron, ye Carmi, ye Hur, ye Shobal.

² Ndien Reaiah eyen Shobal obon Jahath; Jahath onyuŋ obon Ahumai, ye Lahad. Mme mmɔ emi edi ubon mme-Zorathite.

³ Ndien mme mmɔ emi edi nditɔ-ete Etam; Jezreel, ye Ishma, ye Idbash: ndien enyiŋ eyen ete mmɔ eŋwan ekere Hazzelelponi.

⁴ Ye Penuel ete Gedor, ye Ezer ete Hushah. Mme mmɔ emi edi nditɔ Hur, akpan Ephrathah, ete Beth-lehem.

⁵ Ndien Ashhur ete Tekoa ɔdɔ iban iba, Helah ye Naarah.

⁶ Ndien Naarah aman Ahuzzam ɔnɔ enye, ye Hepher, ye Temeni, ye Haahashtari.

⁷ Mme mmɔ emi edi nditɔ Naarah. Ndien nditɔ Helah edi Zereth, ye Izhar, ye Ethnan.

⁸ Ndien Hakkoz obon Anub, ye Zobebah, ye ufɔk Aharhel eyen eren Harum.

⁹ Ndien Jabez enyene ukpono akan nditɔ-ete esie: eka esie onyuŋ osio enye enyiŋ Jabez, ete, Koro mmande enye ke ubiak.

¹⁰ Ndien Jabez eseme ɔnɔ Abasi Israel, ete, Afo akpakam ɔdioŋ mi, onyuŋ anam adaŋa mi okpon, ubɔk fo onyuŋ odu ye ami, afo onyuŋ akpan idiɔk-ŋkpɔ, ete okuyat mi! Ndien Abasi ada se enye ekebeŋede ɔsɔk enye.

¹¹ Ndien Chelub eyen-ete Shuhah obon Mehir emi ekedide ete Eshton.

¹² Ndien Eshton obon Beth-rapha, ye Paseah, ye Tehinnah ete Ir-nahash. Mme mmɔ emi edi mbio Recah.

¹³ Nditɔ iren Kenaz ŋko; Othniel ye Seraiah: nditɔ Othniel ŋko; Hathath.

¹⁴ Ndien Meonothai obon Ophrah: Seraiah onyuŋ obon Joab, ete Ge-harashim; koro mmɔ edide mbon-usɔ.

¹⁵ Nditɔ Caleb eyen Jephunneh ŋko; Iru, ye Elah, ye Naam: ye nditɔ Elah ŋko, kpa Kenaz.

¹⁶ Ndien nditɔ Jehallelel; Ziph, ye Ziphah, ye Tiria, ye Asarel.

¹⁷ Nditɔ Ezrah ŋko edi Jether, ye Mered, ye Epher, ye Jalon: ndien enye (ŋwan) aman Miriam, ye Shammai, ye Ishbah, ete Eshtemoa.

¹⁸ Ndien ŋwan esie Ha-jehudijah aman Jered ete Gedor, ye Heber ete Soco, ye Jekuthiel ete Zanoah. Mme mmɔ emi ŋko edi nditɔ Bithiah eyen Pharaoh aŋwan, emi Mered ɔkɔdɔde.

¹⁹ Nditɔ Hodiah ŋwan esie, eyen ete Naham, ete Keilah Garmite, ye Eshtemoa Maacathite.

²⁰ Ndien nditɔ Shimon edi Amnon, ye Rinnah, ye Ben-hanan, ye Tilon. Nditɔ Ishi ŋko edi Zoheth, ye Ben-zoheth.

²¹ Nditɔ Shelah eyen Judah edi Er ete Lecah, ye Laadah, ete Mareshah, ye ubon ufɔk mme anam eti linen, ke ufɔk Ashbea; ye Jokim, ye mbio Cozeba,

²² ye Joash, ye Saraph, emi ekenyenede Moab, ye Jashubi-lehem. Edi ikɔ emi edi akani. Mme mmɔ emi edi mme obot eso,

²³ ye mme oduŋ ke Netaim ye Gederah: mmɔ eduŋ do ye edidem, man enam utom esie.

²⁴ Nditɔ Simeon edi Nemuel ye Jamin, Jarib, Zerah ye Shaul: ye Shallum eyen esie,

²⁵ ye Mibsam eyen esie ye Mishma eyen esie.

²⁶ Nditɔ Mishma ŋko; Hammuel eyen esie Zaccur eyen esie, Shimei eyen esie.

²⁷ Ndien Shimei enyene nditɔ-iren efurekiet, ye nditɔ-iban itiokiet: edi nditɔ-ete esie ibonke ediwak nditɔ, ofuri ubon mmɔ inyuŋ itɔtke nte nditɔ Judah.

²⁸ Ndien mmɔ eduŋ ke Beer-sheba, ye ke Moladah, ye ke Hazar-shual, ye ke Bilhah,

²⁹ ye ke Ezem, ye ke Tolad,

³⁰ ye ke Bethuel, ye ke Hormah, ye ke Ziklag,

³¹ ye ke Beth-marcaboth, ye ke Hazar-susim, ye ke Beth-biri, ye ke Shaaraim. Mme mmɔ emi edi obio mmɔ tutu David ada ubɔŋ.

³² Mme obio-iŋwaŋ mmɔ enyuŋ edi Etam, ye Ain, ye Rimmon, ye Tochen, ye Ashan, kpa obio ition:

³³ ye kpukpru mme-obio-iŋwaŋ mmɔ emi ekande mme obio emi ekuk, tutu osim Baal. Mme mmɔ emi edi ebiet iduŋ mmɔ, ye ŋwed emana mmɔ.

³⁴ Ye Meshobab, ye Jamlech, ye Joshah eyen Amaziah,

³⁵ ye Joel, ye Jehu eyen Joshibiah, ye eyen Seraiah, ye eyen Asiel;

³⁶ ye Elioenai, ye Jaakobah, ye Jeshohaiah, ye Asahiah, ye Adiel, ye Jesimiel, ye Benaiah,

³⁷ ye Ziza eyen Shiphi, eyen Allon, eyen Jedaiah, eyen Shimri, eyen She-maiah;

³⁸ mme mmɔ emi ekotde enyiŋ mmɔ edi mbɔŋ ke otu ubon mmɔ: ndien ufɔk mme ete mmɔ esiaha eti-eti.

³⁹ Ekem mmɔ eka ke ebiet emi edukde Gedor, ke edem usiaha-utin itihere, ete iyom se ufene mmimɔ ekpetade.

⁴⁰ Ndien mmɔ ekut ebiet emi enyenede mbiet, emi esehede onyuŋ ɔfɔnde, isɔŋ oro onyuŋ okpon, onyuŋ etie suŋ, onyuŋ ana ke ifure; koro mmɔ oro ekebemde iso eduŋ do, eketo ke Ham.

⁴¹ Ndien mmɔ emi ekewetde enyiŋ mmɔ edi, ke eyo Hezekiah edidem Judah, edisuan mme tent mmɔ, ye ebiet-iduŋ eke ekesimde do, enyuŋ esobo mmɔ tutu osim mfin emi, enyuŋ eduŋ ke itie mmɔ: koro se ufene mmɔ ekpetade odude do.

⁴² Ekem ndusuk mmɔ eke eketode ke nditɔ Simeon, owo ikie ition, eka ke obot Seir, ndien mme etubom mmɔ edi Pelatiah, ye Neariah, ye Rephaiah, ye Uzziel, nditɔ Ishi.

⁴³ Ndien mmɔ esuan nsuhɔ mme Amalekite oro ekebɔhɔde, enyuŋ eduŋ do tutu osim mfin emi.