१ ठेसलोनीकी 1 - पुर्वीय मगर1 ङा पावल, सीलास र तिमोथीलकीङ इसे चीठी रीक्ङनले, परमेश्वर बोइ र प्रभु येशू ख्रीष्टै थेसलोनिकीयुङ मण्डलीकी अनुग्रह र शान्ति याख्यौ। थेसलोनिकीयुङ विश्वासीकुङ विश्वास 2 कान नाखुरीक पट्टकुङ लागी परमेश्वरकी सधैँ धन्यवाद याल्हे र कानै प्रार्थना जाट्नाङ नाखुरीक पट्टकी सधैँ आर्मीट्ले। 3 कानुङ परमेश्वर बोयो म्याहासाङ नाखुरीकुङ विश्वासलकीङ जाट्च काम, प्रेमै जाट्च मेहनट र कानुङ प्रभु येशू ख्रीष्टाङ डाच आशौ सहनसीलटा कान आर्मीट्न न ङुले। 4 परमेश्वरै प्रेम जाट्च डाजेभाइको र डै बहीनीको, नाखुरीककी होसकै लहो न भर्मी छान्की भाक्च कुरा कानै वार्न्हने। 5 हीजैडेनाङ कानै नाखुरीककी सेटाक्च सेछ समाचार कुराङ मट्टै मालेया। टर पवित्र आत्मा र शक्तिखाटा सेटाक्च एकदम साँचो कुरा लेया। नाखुरीक खाटा लेनाङ नाखुरीकुङ फाइदौ लागी कान कुङ्च भर्मीको लेया नाखुरीक न वार्ल्हे। 6 नाखुरीक कानकी र प्रभुकी डुट्च उदाहरण छाना हीजैडेनाङ नाखुरीकै पट्ट न खालुङ कष्ट आइपर्न रान्हाङ र पवित्र आत्मै याछ सेछ समाचारकी आनन्द खाटा ला। 7 होटबाटै नाखुरीक माकेडोनीया र अखैयाङ लेच पट्ट विश्वासीकुङ लागी नमुना छान्नने। 8 नाखुरीकै प्रभुओ बचन माकेडोनीया र अखैयाङ मट्टै सेटाक्च होइन, टर परमेश्वर मीटाक नाखुरीकै जाट्च विश्वास पट्टलाक न फैलडीसा। इसे बारेयाङ कानै हीर डेम ङुकी मापर्ले। 9 जब कान नाखुरीक लेठाङ राहा टब नाखुरीकै कुटजाट्न स्वागट जाट्नन्या, अनी मूर्ति पुजा जाट्की डासार जीवीत र साँचो परमेश्वर पट्टी ल्हेसार होसकुङ न सेवा जाट्चको छाना। याङ्च कुरा होखुरीक पट्ट भर्मीकै मेखुरीकै न डेले। 10 होखुरीकै डेया नाखुरीक परमेश्वरौ मीजा येशू स्वर्ग लकीङ राल्हे डेयार लेन्न ङुमने। होसको परमेश्वरै सीच लकीङ जीवाटाक्च येशू हो। कान मीटाक राखी पाच परमेश्वरौ मीरीस लकीङ जीवाटाक्च र होसको न हो। |
© 2024 (Active), Wycliffe Bible Translators, Inc. All rights reserved.
Wycliffe Bible Translators, Inc.