१ पट्रुस 5 - पुर्वीय मगरअगुवाको र जवानकोलाक शिक्षा 1 होटबाटै ङा नाखुरीकखाटा लेच मण्डलीयुङ अगुवाकोलाक डेले, ङा मण्डीलीयुङ काट अगुवा हो, ख्रीष्टै भोक्डीच कष्टको ङाल्है न डाङ्ङने र पीहीन डाङ्च महीमाङ र सहभागी छान्ले। ङा बिन्ती जाट्ले, 2 कुटजाट्न गोठालाकै भेडौ बगाल सेम्ह ङोस्ले होटजाट्न न परमेश्वरै नाखुरीकुङ जीम्माङ याछ भर्मीकोलाक सेम्ह ङोस्नी। नाखुरीक कराङ पर्यार होइन, टर परमेश्वरौ इच्छा अनुसार खुसीखाटा जाट्नी, पैसौ लागी होइन, टर सेवा जाट्च मीमन लार इसे काम जाट्नी। 3 नाखुरीकुङ जीम्माङ लेचको मीटाक अधिकार जमडीयार होइन, टर होखुरीकुङ लागी सेछ नमुना छान्नी। 4 अनी जब मुख्य गोठ्ला राल्हे, टब नाखुरीकै सेन्र माओइलडीस्च सधैँभरी चम्कडीस्न ङुच महीमौ मुकुट डुप्ले। 5 मण्डलीयुङ अगुवाकुङ अधिनाङ ङुनी। अनी नम्र छानार नाखुरीक पट्टकै काटै-काटौ सेवा जाट्नी। हीजैडेनाङ धर्मशास्त्राङ रीक्ङ ने, “परमेश्वरै घमन्डीकोलाक विरोध जाट्ले, टर नम्रकोलाक अनुग्रह जाट्ले।” 6 होटबाटै परमेश्वरौ शक्तिसाली मीहुट म्होकी लहे लाहाकी नम्र खास्नी, र होसकै ठीक समयाङ नाखुरीककी ढेनाम गाराङ्ले। 7 लहौ पट्ट न चीन्टा होसकुङ अगाडी डानी हीजैडेनाङ होसकै न नाखुरीकुङ वास्टा जाट्ले। 8 सचेट र चनाखो छानार ङुनी। नाखुरीकुङ शत्रु शैतान गर्जडीस्च राँघु लेखा न सुकी डुपीङ र ज्याकी क्योटीङ डेम पाम व्हाले। 9 विश्वासाङ बलीयो छानार शैतानकी विरोध जाट्नी हीजैडेनाङ नाखुरीकुङ लेखा न संसारभरीयुङ न विश्वासी डाजेभाइको र डै बहीनीकै र डुख भोक्डीकी पर्नने डेच कुरा नाखुरीककी ठाहा ले। 10 टर पट्ट न अनुग्रह लेच परमेश्वरै ख्रीष्टाङ लहौ सधैँभरीयो महीमौ लागी नाखुरीककी आर्घाम ने। होटबाटै नाखुरीकै कालाप बेर कष्ट भोग्डीच न्हुइङ होसकै न नाखुरीककी फेरी नयाँ खास्ले अनी शक्ति याहार बलीयो र शक्तिसाली खास्ले। 11 होसकोकी न शक्ति सधैँभरी छान्न ङुख्यौ। आमेन। अन्टीम अभिवादन 12 ङौ विश्वास योग्य भाइ सीलासौ साहयटै ङै इसे टुन्छ चीठी नाखुरीककी रीक्ङने। ङै इसे पट्ट न परमेश्वरौ साँचो अनुग्रहौ साक्षी याखी र नाखुरीकुङ साहस बड्डीम याखी रीक्च हो। इसे अनुग्रहाङ नाखुरीक बलीयो खाटा खडा छान्नी। 13 नाखुरीक ल्याक्च न परमेश्वरै भाक्च बेबीलोनुङ मण्डलीये नाखुरीककी अभिवादन याम्ह कामने। मर्कूस ङौ मीजा लेखान हो, होचे र नाखुरीककी अभिवादन याम्ह कामने। 14 ख्रीष्टौ मायै काटै काटकी चुम्हार अभिवादन सेटाक्ङ यान्ही। परमेश्वरै ख्रीष्टकी विश्वास जाट्च पट्ट न भर्मीकोलाक शान्ति याख्यौ। |
© 2024 (Active), Wycliffe Bible Translators, Inc. All rights reserved.
Wycliffe Bible Translators, Inc.