YOVI 26 - Embimbiliya - Bíblia Sagrada em Umbundu

¹ Oco Yovi wa kumbulula hati,

² Wa kuatisa cimue u ka kuete olohõlo! Wa popela okuokuo ka ku kuete ongusu!

³ Wa lungula ciwa u ka kuete olondunge! Wa lombolola ciwa ukũlĩhĩso wocili!

⁴ Helie wa ku kuatisa oku popia olondaka evi? Helie wa ku fuimĩla yu wa popia ndomo?

⁵ Ava va tunga vo Njembo va luluma, ndaño Kalunga o luluma, lava va kasimo.

⁶ Njembo o kasi epõlõla kovaso a Suku. Abadone ka kuete ocisikilĩlo.

⁷ Oko ka kuli cimue o nyanyumuĩlako o Norte, loko ka kuli cimue oko a nyoñamisila oluali.

⁸ O kutila ovava valende aye a pama. Lelende ka li tuika lokulema kuaco.

⁹ O sikilila ocipala cosãi. O yalako elende liaye.

¹⁰ Kongave yi tepisa ocinyi lowelema, haiyo yi kasi kilu liovava, oko a ñualisa ocingondombela.

¹¹ Olongunji viokilu vi luluma. Vi lisalukila okupopia kuaye

¹² Wa tulumũla okalunga lunene waye, kuenje lukũlĩhĩso waye wa veta Canjangombe.

¹³ Wa fuimĩla ovailu kuenje wa a posuisa. Eka liaye lia toma onyõha yolupesi.

¹⁴ Tala, ovina evi via linga ño afetikilo ovopange aye. Eci tua yeva covopange aye ca soka ndoku loñola lika. Puãi okulemila kunene waye ku lomboloka elie?