YOVI 25 - Embimbiliya - Bíblia Sagrada em Umbundu

¹ Oco Bilidade u Siuhi wa kumbulula hati,

² Uviali lesumbilo vi tiama ku Suku. O muisa muisa ombembua vovailu aye.

³ Olohoka viaye hẽ ci tava oku vi tenda? Elie ocinyi caye ka cu tuila?

⁴ Oco hẽ omunu o linga ndati ukuesunga ku Suku? U wa citiwa lukãi o tẽla ndati oku yela?

⁵ Tala, ku Suku ndaño osãi ka yi tui, ndaño olombungululu ka yi yeli.

⁶ Oco omunu he, eye enyo ale, siti ca piãla vali enene. Omõla omunu hẽ, eye esunjulu ale, siti ca piãla vali enene.